علاء زينهم: الصدفة لعبت دور في حياتي من شيف إلى ممثل والفضل للمخرج عاطف سالم

قال الفنان علاء زينهم إنه كان يعمل شيف فى مطعم والمخرج الكبير عاطف سالم بيصور فيلم قاهر الظلام عن قصة طه حسين وكان بيشرب القهوة الصبح عندنا فى المطعم وصاحب المطعم قاله انى بمثل فى مراكز الشباب وقصور الثقافة وقال هيعمل دور معايا قريب وفعلا بعتلى.
علاء زينهم: اشتغلت علي تاكسي حتي اكون نفسي وحلمي كان التمثيل مع الزعيم عادل امام
وأضاف زينهم خلال لقاءه مع الإعلامى دكتور عمرو الليثى ببرنامجه واحد من الناس على شاشة الحياة، إنه مر بالعديد من الظروف الصعبة والتحديات، ومنها عمله فى العراق كسواق، ولما حصلت الحرب رجعت وانا بحب السواقة جدًا، وهوايتى بعد التمثيل السواقه، وانا كنت هاوى مسرح ولما شوفت المسرح الوطنى فى بغداد كنت بلف حوله ونفسي امثل فى يوم، وربنا كتابهالى اشتغلت مع سعيد صالح وعادل امام علي هذا المسرح .
علاء زينهم وشغله مع عادل إمام
و تابع علاء إنه عندما رجع من العراق كنت بشتغل فى شركةو تأمين فى وسط البلد وكان معايا تاكسي اسود بعداد اشتغل عليه قبل وبعد الشغل، حتي استطيع ان اكون نفسي واتجوز، وكنت بشتغل مع الاستاذ عادل امام فى المسرح وبروح بالتاكسي، والاستاذ عادل امام كان عارف انى بشتغل على التاكسي.
معلومات عن الفنان علاء زينهم

علاء زينهم هو ممثل مصري اشتهر بأداء الأدوار الكوميدية، لمع تلفزيونيًا وشارك في أعمال كبار النجوم، من أبرز أعماله على صعيد الدراما التلفزيونية مسلسلات "الريان، الحارة، راجل وست ستات، سكة الهلالي، أميرة في عابدين، حلم الجنوبي"، أما بالنسبة للسينما فشارك في العديد من الأفلام منها "بخيت وعديله، النوم في العسل، الساحر، الباشا تلميذ، عسل إسود".