خاص.. تامر حسين: معملناش دعاية ل "أنا منستهاش".. وإيهاب توفيق أحد المطربين المفضلين لي في الصغر

كشف الشاعر الغنائي تامر حسين، كواليس أغنية "أنا منستهاش" التي تم طرحها منذ فترة حيث صرح قائلًا: "كانت فى ألبوم صديقى إسلام زكي ماكنتش أغنيتي وطلب مني أغنيها معاه وأنا بحب إسلام كملحن وكمطرب ومؤمن بيه أنه فنان مُتميز جدًا وكنت أكيد حابب الأغنية أغنيها معاه".

وضاف في تصريحه ل "الفحر الفني": "ولسه لحد الأن معملناش لأغنية "أنا منستهاش" دعاية لأننا هنصورها في الشتاء.. إحنا تقريبًا نزلناها في الراديوهات وعلى بعض المنصات، وفي يناير إن شاء الله نكون صورناها".


بوستر أغنية أنا منستهاش
تامر حسين: بستخدم صوتي في توصيل الأغنية للمطرب مش للمنافسة في مجال الغناء

وكشف عن فكرته في عدم تقديم ألبوم خاص به بالرغم من حب الجمهور الشديد لصوته، حيث صرح قائلًا: "والله أنا فكرة الغُنا بستخدمها فى خّلق أو صناعة الأغنية بستخدم صوتي في توصيل الأغنية للمطرب أو فكرة لملحن صديق أو موزع، إنما مفكرتش أنزل وأنافس لأني فى مكانى أعتقد من الأوائل في الوطن العربى ودى مكانة مش بالساهل حد يوصلها ويهمني أحافظ عليها ومن وقت للتانى ابقى اغنى حاجه أنا حاببها".
تامر حسين
تامر حسين يكشف كواليس تعاونه الأول مع إيهاب توفيق

و عن تعاون الشاعر تامر حسين لأول مره مع الفنان إيهاب توفيق كشف قائلًا: "إيهاب توفيق فنان كبير ومثقف وكنت بحب أسمعه من صغرى وكان مكسر الدنيا في التسعينات وأول الألفينات بس حصله ظروف عطلتله شوية".

وأضاف: "الأغنية الحمد لله حققت رد فعل كبير مع الجمهور.. هو فنان له جمهور كبير بيحبه وبيستناه ومبسوط بعودته من خلال اغنية مؤثرة زى ليكى عندي".

تامر حسين
كلمات أغنية "ليكي عندي" للفنان إيهاب توفيق

ليكي عندي الحب اللي محدش قبلك يوم اتحبه
ليكي بيكي بستقوى على الدنيا أهلك عرفوا يربوا
جيتي عندإللي يقدر قيمتك اللي فتح لك
قلبه
تاتا تاتا ف القلب إتسحبتي دا إنتي بتجري ف دمي
ببساطه أنا راهنتك وكسبتك
جامده ومش بتسمي
إسألي ناس قبلك عن هيبتي الشوق أخر همي
ولا يملى عنيا غيرك بس
ومقاسمك عمري أنا بالنص
دا كلام من القلب دا مش رص
ورد على خدودك يترص
ليكي عندي الصبح وأنا باصبح حضن كبير هاتوصى
وأداريكي ف القلب وف عنيا
لسه هفاجئك لسه
من أول كلمه أنا ترجمتك لآ من أول بصه
أنا كده عديت متهيألي إن انا كده خدت اللقطه
عيني عيني ده كتير والله عليا
دا أنتي هديه ولقطه
لو اقول لك قمر أبقى ظلمتك جبتي لغيرك نقطه
ولا يملى عنيا غيرك بس
ومقاسمك عمري أنا بالنص