"مش زعلان منه خالص".. كريم الحسيني بُعلق على عدم تلبية تامر حسني طلب مقابلته

نشر الفنان كريم الحسيني فيديو توضيحي، يوضح من خلاله سبب نشره البوست الذي يطلب من خلاله مقابلة الفنان تامر حسني، ونفى خلال الفيديو حقيقة وجود خلاف أو زعل بسبب تأخر المقابلة.

View this post on Instagram
A post shared by كريم الحسينى Karim El7uossiny (@karimel7uossiny)


حيث قال خلال الفيديو: "أنا نشرت الفيديو عشان جالي في الميموري، أنا كتبت من سنة إني عايز أقابله والراجل رد مشكورًا، أنا آسف مكنتش أعرف أنك عايز تقابلني وإن شاء الله هنتقابل قريب جدًا، محصلش خلال السنه أننا أتقابلنا، أنا سعيت وجبت كل الأرقام إللي تخصه، من مدير أعماله لأخوه للمساعد بتاعه مردوش عشان هما مشغولين بعتلهم واتساب المسدج إللي بعتهالي، مشافوهاش عشان هو راجل نجم وعنده حفلات وأفلام".
"عارف إني هقابله" كريم الحسيني يوضح سبب نشره الفيديو
وأوضح سبب نشره الفيديو حيث قال: "فأنا منزل الفيديو للتوضيح أنا مش زعلان منه ولا من الناس إللي بتشتغل معاه وعارف إن أنا كده كده هقابله وهتكعبل فيه، وعارف إن أنا إن شاء الله لما أقابله هتكون نتاج القعده دي مثمرة وهنعمل مع بعض حاجات حلوة، لأن أنا عندي أفكار كتير حلوة ولايقه عليه".

"محدش بيرد عليا" كريم الحسيني يكرر طلبه بمقابلة تامر حسني
وكان قد شارك الفنان كريم الحسيني منشورًا له منذ عام كان يطلب من خلاله مقابلة الفنان تامر حسيني وعلق قائلًا: "فات سنة على نزول البوست ده وبرضو معرفتش أقابل الفنان المحترم تامر حسني، حاولت في خلال السنة دي أوصلك والله كل إللي شغالين معاك محدش بيرد عليا".
"لو قعد معايا هيحصل خير" كريم الحسيني لتامر حسني
وأضاف خلال منشوره قائلًا: "أوصلك إزاي أنا عارف أنك لو عايز توصلي هبقى عندك في المكتب بكره، صدقوني هذا المنشور ليس تقليل مني أنا عارف إنه فنان محترم وراقي، وبيحب يسمع أفكار جديدة ومتأكدة إنه لو قعد معايا هيحصل خير".

الجدير بالذكر أن الفنان كريم الحسيني طلب منذ عام مقابلة الفنان تامر حسني خلال منشور له على الفيسبوك قائلًا: "يا كل القائمين على الصناعة من 2015 نفسي أوصل للفنان تامر حسني ومش عارف، وكل صحابنا المقربين لما بطلب منهم بيقولولي مبررات غير منطقية، ممكن حد يوصلني للفنان تامر حسني عشان عندي أكتر من فكرة مكتوبة له، حتى لو كان ماضي 7 أفلام أنا هايتني دوري".
وجاء رد الفنان تامر حسني على منشوره حيث قال أنه لم يكن يعلم بأنه يريد التواصل معه، ولم يقم أحد بإخباره بذلك، وسيقوم بالتواصل معه حينما يعود من السفر لرؤية الأعمال التي سيقترحها عليه".