نكت

دخلت بنت على محل عصير في الدور العاشر شافت شاب حلو فراحت عنده
البنت : انت بتشرب ايه ؟
الشاب : بشرب عصير سحري
البنت : سحري ؟ ليه بيعمل ايه ؟
الشاب : دلوقتي هوريكي بيعمل ايه
راح الشاب نط من الشباك و طار في الهوا و لف حولين العمارة و هو طاير و بعدين رجع
البنت : وااااااو . لازم أجرب العصير ده
الشاب : يا بياع اديها نفس العصير اللي انا بشربه
راحت البنت شربت العصير و نطت الدور العاشر و ماتت
.
.
.
.
.
البياع : تعرف يا سوبر مان بجد هزارك تقيل اوى




مره واحد محشش شاف نملة صغيرة بتبكي .. قام حطها على ايده و قالها مالك بتبكي يا نمولة ؟؟
قالتلوه عيلتي كلها ماتو مداسين عليهم.....
.
.

قام ضرب كف على كف


واحد محشش حب يطور الهليكوبتر فك المروحة وركب تكييف


واحد فتح جنينة حيوانات وعمل التذكرة 100 جنيه مفيش ولا واحد دخلها عملها 50 مفيش حد عبر فيه عملها 10 جنيه محدش دخل برده راح عمل الدخول محانا كل الناس دخلت.
.

راح فتح باب الأسد وقفل باب الجنينة وعلق يافطة الخروج ب 1000 جنيه



كل ما اسأل حد يعنى ايه
(I Don't Know)
.
.
يقولى مش عارف


كل واحد اشترى بيتى فور
اضحك و اتنصب عليه
.
.

عشان بيتى فايف نزل وبنفس السعر وفيه اشكال اكتر...


الصحفي: وحضرتك إزاي بتعرف إذا كان المريض مجنون فعلا ولا مجرد تعبان نفسيا
الدكتور: بنعمله إختبار البانيو
الصحفي: واللي هو ؟
الدكتور: بنملى البانيو ميّه على آخره ... وندي المريض معلقة وكوباية وجردل ... وبنقوله فضيلنا البانيو ده من الميّة
الصحفي: وطبعا لو استخدم المعلقة أو الكوباية يبقي مجنون لإنه المفروض يستخدم الجردل
الدكتور: مممم ... هو عامة، العاقل حيرمي ده كله ويشيل سدادة البانيو ... تحب اوضتك على الشارع ولا بتبص على الجنينة ؟؟


واحد غبي كان بيدق مسمار في الحيطه فوقع فقاله تعالى ما جاش، تعالى ما جاش، قام جاب شويه مسامير ورماهم عليه وقالهم...هاتووووووه