خفيف وغير مبتذل.. "شاهد أبرز تعليقات الجمهور على مسلسل "اللعبة"

بعد أن تم عرض مسلسل "اللعبة"، علي قناة mbc مصر وذلك للمرة الثانية، تفاعل الجمهور مع المسلسل، معبرين عن إنبهارهم وإعجابهم الشديد بتلك الكوميدية الراقية والمضحكة والغير مبتذلة وذلك عبر مواقع التواصل الإجتماعي".
يرصد لكم "الفجر الفني" أبرز تعليقات الجمهور علي مسلسل "اللعبة"، حيث جائت التعليقاات كالتالي:
_ مسلسل "اللعبه"، مضحك خفيف غير مبتذل، برافو، ده كان تايه عني فين طول فترة الزهق اللي فاتت.
_ إيه دا يا جماعه بجد المسلسل حلو جداً الكاست كله لايق علي بعضه وكوميديا خفيفه مش مصطنعه ببقي مستنية الحلقه الجديدة عشان أعرف "التحدي الجديد" وهتعملوا فيه إيه "مسلسل اللعبة".
_ "أنا من الشرفاء اللي خلصوا ( مسلسل_اللعبة) قبل ما يبدأ بس هتفرج عليه تاني، بوصيكم تشاهدوة بشدة والله، كوميديا هادفة ولطيفة مافيهاش أي إبتذال ولا سخافة، ولا التصنع اللي طافح في وشنا بقاله سنين، كل الحب والله"
_ مسلسل "اللعبة" فى حتة وبقية المسلسلات الكوميدية فى حتة تانية فعلاً، تالت مره اتفرج على مسلسل اللعبه وبرضه بضحك شيكو وهشام أساساً بحبهم.
_ بس شيكو وهشام ماجد ومحمد ثروت و مى كساب و عارفه عبد الرسول و سامى مغاورى كانو بجد عظمه اوى.
- كنت بحبهم فشخ مع بعض ال3 ، بس كدا كدا اي واحد فبهم لوحده اعلى من اي ممثل كوميدي دلوقتي "
_ يسطا الكوميديا السهله بتاعتهم دى جامده أوى عكس بتوع مسرح مصر تحس ف مسلسلاتهم أنهم بيحلبوك عشان تضحك"
_ عجبني مسلسل" اللعبة" من أول حلقة واضح أ نة حلو وكوميدي خفيف عالقلب وحبيت لما شيكو و هشام ماجد غنو "ابن الجيران" فالبلكونة متت بالضحك.
_ قصه حب شيكو وميرنا جميل في مسلسل اللعبه المفروض تتبروز أكتر من كده في الكوميكس والتريندات والله
_ حاسس إنكم مع الوقت هتكتشفوا إن مسلسل" اللعبة" اللي انتو اتفرجتوا عليه قبل رمضان هو أحسن مسلسل في رمضان.. والباقي ملط زي بسيوني كدة.
_ أنا اتفرجت علي ال30 حلقه بتوع مسلسل اللعبه وعاوز اتفرج عليهم تاني مسلسل فشيخ "اللعبة"
_ أنا زعلانه اوي أننا شفنا مسلسل اللعبه قبل ما ينزل عالتلفزيون لو كنت اعرف أنة هيجي فرمضان مكنتش شفته وخليته استمتع بيه دلوقتي".
_ الواحد نفسه يتجوز واحده زي ميسز" إسراء" المدبولي اللي في مسلسل اللعبه تشتغل معاه ف نفس شغله ويعملها ف الشغل معامله ميري ومع ذالك تفضل تحبه ومتكرهوش لا وكمان إيه بتتأسف ع أي غلطه ومش نكديه زي بنات الايام دي."
_ مسلسل اللعبة جميل جداً وأنصح الجميع بمتابعته ، بدون مبالغة أفضل مسلسل حالياًمع تمنياتي بالاستمرار بالخط التصاعدي للنجاح،تشرفت برؤية شيكو وهشام بالعرض المسرحي في الرياض مع اكرم حسني وإن شاء الله تنزاح الغمة ونشوفكم مستقبلاً بأعمال أخرى على المسرح"