علقت الإعلامية ريهام سعيد، على تصريحات المطربة ميريام فارس المسيئة لمصر قائلة،: "فعلا إنتي تقيلة لكن مش في أجرك، إنتى مش مطلوبة فى مصر، إحنا 100 مليون ولو عملنا حفل في مصر ل ميريام فارس محدش هيروحها، وبالتالي مش هيدفعوا أجرك اللى هو أوطى كتير من أجر مطربين تانيين". وأضافت "سعيد" خلال برنامجها "صبايا" المعروض على قناة "الحياة" قائلة: "لو متعرفيش جينفر لوبيز جاية يوم 9 أغسطس فى الساحل، وعندنا حفلات لمطربين مهمين مثل راغب علامة وإليسا، واحنا عندنا فنانين مصريين أجرهم مش قليل ومكتفين بهم مثل أنغام". ووجهت سؤالًا ل"ميريام فارس" قائلة لها: "تفتكري أجرك ولا أجر أنغام؟". وتابعت قائلة: "ميريام غنت أربع أغاني باللهجة المصرية علشان تتعرف، هى بدون مصر ولا حاجة، لكن واضح إن الأنا خدتها وراء الشمس، في ناس لما الأنا بتاخدهم بيتجننوا".