بعد تطاول ميريام فارس على مصر.. مغردون: "أنت تقيلة على قلوبنا.. ولو كنتي الهضبة أو شيرين هتعملي إيه؟"

أثار تصريح الفنانة اللبنانية ميريام فارس غضب المصريين خاصة بعد سؤالها خلال مؤتمر صحفي على هامش فعاليات مهرجان موازين عن قلة حفلاتها بمصر فردت أنها قبل الثورة كانت تقيم العديد من الحفلات ولكنها الآن صارت أكبر، قائلة: "صرت تقيلة على مصر" وهو اللفظ الذي آثار غضب الجماهير المصرية، وأولهم نجوم الفن.
المطرب رامي جمال قال "الفنانة اللي بتقول انها بقت تقيلة علي مصر ليا عندها فلوس بقالها سنة والله ادفعيهم الأول يا تقيلة".
وكذلك الشاعر أمير طعيمة: "معظم نجوم الصف الأول في لبنان أقاموا حفلات في مصر بعد الثورة زي إليسا و نوال و نانسي و راغب و حتي العظيمة ماجدة الرومي و غيرهم، و أنا و أنت عارفين الأرقام و انهم بياخدوا أجر يفوقك بمراحل و الفرق الكبير بينهم و بينك. بلاش مصر يا ميريام، ان مكانش من باب الأدب يبقي من باب الذكاء".
وغرد سيف مستنكرًا "مصر اللي هي بلد أم كلثوم والعندليب والأطرش وعبدالوهاب وعمرو دياب وشيرين وتامر حسني وحماقي وعاشور والخ .. تيجي واحدة لسة مولودة امبارح تقولك انا تقيلة على مصر!".
"لو نانسي أو إليسا كانت عملت فينا إيه؟؟" هكذا تساءل مروان مضيفل: "على فكرة هي قالت الحقيقة محدش يزعل منها لأنها فعلاً تقيلة ع كل قلب يسمعها الفلوس بتغير النفوس امال لو كانت أصالة ولا نانسي ولا إليسا كانت عملت فينا إيه".
أما تقي فقالت "ده انتى لو غبتي مليون سنة مافيش حد فى مصر حيفتكرك تقيلة ايه ده انتى مش موجودة اصلا".
وغردت نجا: "عندنا أعظم موهبة بعد أم كلثوم، شيرين اللي جماهيريتها مخيفة في العالم العربي وأعلي اجر في الفنانين العرب ولا مرة طلعت قالت انا تقيلة عالبلد دي او دي وتيجي واحدة لا صوت ولا فن تقول انا تقيلة علي مصر وعجبي".
وتضامن الجمهور اللبناني مع الشعب المصري فكتبت رند "على أساس بمصر الناس عم تشحد وميريام_فارس مستواها لاس فيجاس. فعلا يا هيك الردود الغبية يا بلا.كان الله في العون".
وكذلك نسرين #"ميريام_فارس بتقول ارتفع أجرها ومتطلباتها صارت تقيلة على مصر وكأنو حفلات مصر حاليا مش من مقامها وكانو إليسا وعمرودياب ما عندهم حفلات او أجر حفلاتهم قليل بالنسبة لاجرها ميريام حبيبتى قولى الحقيقية انتى مابيجيكى حفلات ومابيطلبوك ع مصر بينطبق عليها المثل اجت تكحلها عمتها".
تغريدات غاضبة على تصريح ميريام فارس
تغريدات غاضبة على تصريح ميريام فارس
تغريدات غاضبة على تصريح ميريام فارس
تغريدات غاضبة على تصريح ميريام فارس
تغريدات غاضبة على تصريح ميريام فارس
تغريدات غاضبة على تصريح ميريام فارس
تغريدات غاضبة على تصريح ميريام فارس
تغريدات غاضبة على تصريح ميريام فارس
تغريدات غاضبة على تصريح ميريام فارس
تغريدات غاضبة على تصريح ميريام فارس