أسامة كمال يكشف كواليس حوار الرئيس مع الوزراء في معرض "كايرو ICT" (فيديو)

قال الإعلامي أسامة كمال، مقدم برنامج "مساء dmc":"طب لما نتكلم عن الرئيس السيسى، يبقى بنتكلم عن رئيس هو الطاقة المحركة للمستقبل، رئيس شايف بكرة من غير كتر كلام".

وأضاف:"الرئيس عنده استعداد يشتغل بأقل عدد من الناس، واستيعاب طموح الشباب ورؤية إنه يخلى الطموح ده واقع عشان الكل يبقى جزء من منظومة كبيرة بتخدّم على بعض".

وتابع:"فلما الرئيس السيسى يعلن انحيازه للشباب ولبكره ولمستقبل معظمنا مش هيكون جزء منه، ينحاز للعلم والابتكار والتكنولوجيا اللى شايف أنها ركيزة أساسية في خطة الدولة للتحول لمجتمع رقمي متكامل".

واستطرد:"نشوف الرئيس في معرض ومؤتمر القاهرة للتكنولوجيا بيقدم مبادرات خلاقة كل سنة، فى وسط واحد من أكبر تجمعات التكنولوجية في المنطقة، يبقى نتأكد أننا قدام رئيس بيراهن ع المستقبل، يبقى لازم تشوف إنك قدام واقع مختلف وتشوف إن صناعة المستقبل بتبدأ النهارده".
وقال:"مش هاكرر اللي شوفتوه ع الهوا في زيارة الرئيس، هانقل لكم اللي انا شفته وانتوا ما شفتوهوش في الغالب، شفت وزارات وهيئات بتتسابق في إنها تعرض هي عملت إيه وهتعمل إيه قدام رئيس ذاكرته فولاذية فيستوقف أي وزير أو مسئول ويقول له، لأ انت قلت كذا في نفس المكان من سنة، مش مسألة ذاكرة بس، لكن مسألة اهتمام واهتمام بالغ".