السيسي للمصريين: "إحنا مش بنحبكم يعني؟.. البلد بتعاني والكل لازم يستحمل"

أجاب الرئيس عبد الفتاح السيسي، على تساؤل لمواطن حول إصراره على التضحية بشعبيته من أجل إجراءات إصلاح اقتصادي صعبة، وتحميل الجيل الحالي وحده أعباء هذا الإصلاح، أليس كان من الأفضل توزيع هذا العبء على الأجيال القادمة، ولماذا لم يتم مراعاة البعد الاجتماعي في برنامج الإصلاح للطبقة المتوسطة التى تأثرت بشدة وتعاني، قائلًا: "كان ممكن نأجل جزء من الإصلاحات للي بعدنا يعملوها، لكن أنا اتمني أشيل كل التكلفة واللى بعدي يقدر يقود البلد بشكل أسهل، لو إحنا معملناش اللى بنعمله شكل مصر هيبقى عامل إزاي".
وأضاف الرئيس، خلال جلسة "اسأل الرئيس" ضمن فعاليات المؤتمر الوطني للشباب، اليوم الأربعاء، أن الإصلاح الاقتصادي كان ضروري، متسائلًا: "لو مكناش عملنا دا حجم فاتورة الاستراد كان هيبقى كام، والطلب على الدولار، وسوق العملة الحرة كان هيودينا فين، ياترى المصانع كانت هتحافظ على العمالة الموجودة لديها ولاتقفل مصانعها، كان صندوق النقد هيدينا القرض".
وشدد، على أن توضيح طبيعة التحديات كان دور حقيقي للإعلام، معقبًا: "البلد مضعتش، البلد تعاني وكل بيت يستحمل، لكن لو ماخدناش الإجراء دا كان حجم العمالة اللى موجود في المصانع كان هيبقوا في الشارع ومكنش هيبقى معاهم فلوس خالص تصرف، وكان حجم البطالة يزيد"، متابعً مخاطبًا المواطنين: "إحنا مبنحبكمش يعني، لو فاكرين كدا يبقى الأمر محتاج مراجعة".