نور إسماعيل تكتب: شمس ديسمبر.. الحلقة الخامسة عشرة والأخيرة

-: داخلى انى بحبك !!
-: ايه ؟ بحبك ؟ بحبك كده عادى
-: ايوة عادى.. زى ماباكل زى م بشرب
بحبك
جزء اساسى فحياتى حبك من يوم م وقعتى واغمى عليكى وفوثتك
وانا مش ناسيكى!
..............................
-: هاتى ايدك كده
- :اتفضل
-: بس.. انا كده مرتاح
..................................
__: ياريت نفضل طول عمرنا قاعيدن كده فحضن بعض، ناسيين العالم
والساعه توقف ومتمشيش..
...................................
__: وهو انا عملت ايه بس يافريدة .. جيت سالتك
وبعدين انتى مش لسه كان مغمى عليكى وانا فوقتك
يعنى يعتبر فيه معرفه سابقه
__ : وهو انا عملت ايه يافريدة ؟!! كمان عارف اسمى وبتنادينى كأننا اتنين ولاد عم مثلا
اوعى ي عم من سكتى
دى حاجة بقت تخنق
....................................
_:من يوم ماشوفتك وانا جريت ع حامد صاحبى وقولتله انا انهاردة قابلت البنت الى هتجوزها ! ^_^
................................
__: انا بتلكك عشان بس اقضى اطول وقت شايفك قدامى
واشبع من ملامحك فذاكرتى
_: يومها شربت ومشيت بسرعه من كسوفى .. انت كنت بتشرب وبتبص عليا وكل الناس اخدت بالها
__: مش بس كده انتى بعد م مشيتى ...
__: متكملش ..! شربت باقى كوبايتى !
__: عرفتى ازاى؟
__: بصيت ورايا وانا ماشية .. وشوفتك
__: طب لما انتى عارفه انى بحبك.. امتى هتقوليها بقى ؟!
عشان خاطرى
__: لالالالا
لما نتخطب
................................
_:انا هفضل تعبان كده لحد م ابقى معاها ..
__: ..عشان الى زيك معرفش الحب الى بجد
عمرك م حسيت ان ضربات قلب حد انت متعلق بيها كأنها ضربات قلبك انت !
من كتر مانت حاسس انكم واحد.. فكل حاجة
ازاى هقدر انساها
ازاى هحب غيرها بقى واعيش حياتى وكأن شيئآ لم يكن
................................
__: مش هتلاقيها لانى انا بس الى بشوفها ... ده بقى بسبب الكتاب يا دكتور
__: (سنانة بتخبط فبعض وبيحاول يهدى نفسه) وانت مش خايف!!
__: دى حبيبتى ! انا عامل كل ده عشان اشوفها
تقولى خايف؟
......................................
__: اقصد ان حياتنا لما بنختارها تكون جمب انسان حبيناه من كل قلبنا
بيبقى صعب نأمر قلبنا بين يوم وليلة انه يبطل يحبه
ويفوق
ويبقى واحد تانى
والا مكانش حبه بجد!!
__: للدرجه دى بتحب فريدة ؟
__: مستاهلش روحها الى ساكنانى لو مفضلتتش احبها لحد م اموت 3
.......................................
__:وع فكرة احسن حاجة انك هتعملى كده من ورا امير .. عشان انتى متستاهليش تتجوزى واحد بيحبك كده
انتى واحدة طماعه
وطمعك ده هيوديكى فداهيه
__:
__:انا هودع حياتكم دى وهبقى مع عزت وهبقى نجمه وهعمل كل حاجة نفسى فيها
واشبعى انتى بامير
لانى ساعتها هكون استاهل واحد يستاهلنى
مش يعايرنى طول الوقت بنظراته وطريقته
....................................
"حمدلله عالسلامة
امير: (بفوق وبفتح عنيا) انا فين؟؟ انا فين يادكتور
ايمن: انت فالمستشفى
اسماء: حمدلله ع سلامتك يا أمير
الام: سلامتك يابنى .. كده تنشف دمى عليك يابنى انا كنت هروح فيها
امير: هو ايه الى حصل؟؟
ايمن: الى حصل ان انت شيبتنا ياراجل! انا احتمال مقددرش اخلف تانى من الى شوفته معاك
الام: كام مرة تحاول تنتحر ياامير ؟؟ عايز تقهرنى عليك يابنى
امير: (كنت مستغرب) كام مرة !!
ايمن: ثوانى ياامير.. (راح لمامته واسماء) انتو ممكن تروحو دلوقت
وانا هفضا معاه
متخافوش
اسماء: بس احنا خايفين يعمل حاجة فنفسه تانى
ايمن: متخافوش .. الحاجة الى كانت بتخليه يعمل كده
خلاص راحت!
اتطمنو
الام: ربنا يخليك يا دكتور تاعبينك معانا ..ربنا يأجرك ع الى عملته مع ابنى
ايمن: متقوليش كده ياحجة ..وهفضل معاه لحد م يتماثل الشفاء تمامآ.
مشيو اسماء ومامت امير ورجع ايمن لاوضه امير
امير: انا مش فاهم يعنى ايه كام مرة انتحرت !! انا مش فاكر حاجة
ايمن: انت انتحرت حوالى 5 مرات ونلحقك فاخر لحظة !
امير: وانا هنا عشان مرة منهم ..صح؟
ايمن: لا..انت هنا لاننا الحمدلله خلصناك من الحاجة الى كانت بتدفعك لكده!
امير: مش فاهم ؟
ايمن: اقولك
(وابتدى يحكى دكتور ايمن كل حاجة مكنتش عارفها وكنت فغيبوبة عنها)
الام: الوو.. الحقنى يادكتور ايمن
امير بعد م رجعنا من المستشفى وعملوله غسيل المعدة!
دخلت عليه لاقيته رابط حبل فالمروحه وشانق نفسه!! بس انا طلعت فوق كرسى ونزلته
والنبى وحياة عيالك يادكتور تيجى بسرعه
طمنى والنبى لحسن يكون قطع النفس!
ايمن: حاضر حاضر ..
ورحت لوالدتك ولحقناك فاخر لحظة والحمدلله مكنتش اتخنقت والاكسجين اتمنع عن مخك لما والدتك انقذتك
ومرة تانية
ولعت فالبيت كله وكنت هتتحرق انت ووالدتك برضو والناس انقذتكم وكنت فيها دى خلاص هتموت!
ومرة قطعت شرايينك ونزفت نص دمك تقريبآ
امير: انا !!
ايمن: ايوة انت .. انت متعرفش ان الانسة الروح الملعونة الى كانت متمسكة بيك الى انت بتحبها
كان نوع من اذاها وانتقامها منك انك تموت نفسك من غير م تشعر!!
امير: مين قال كده ؟؟!
ايمن: شيخ كبير جدآ وبيعرف فالوان السحر والمس واى حاجة تعرفها عن العالم ده
وبيعالج بالقرآن
بس طريقته شديدة شويه!
جبناهولك وكنت حاضر معاه انا وبعض من قرايبك ومقدرناش نخلى والدتك تحضر طبعآ
وبطلوع الروح طلع روحها منك بعد 3 جلسات !
امير: يعنى فريدة!!
ايمن: فريدة روحها خلاص طلعت منك وارتاحت وراحت لقى لحالها واختفت نهائى
ممكن تكون اتحرقت روحها الشريرة ومبقتش موجودة
الى انت استدعتها بالكتاب
وروحها الطيبة الى اصلا طلعت تدور ع حقها
اختفت من يوم م جابت حقها من كل الى ظلمها!
امير: (دمعت لما عرفت انى خلاص كده مافيش فريدة) يعنى مش هشوفها تانى !
ايمن: انت المفروض متحبهاش كل الحب ده ..دى واحدة كانت انانية وفكرت اول م تحقق اول حلم فحياتها انها تتخلى عنك انت !
اول حاجة هترميها ورا ضهرها
وانت الى آذيت نفسك عشانها
آذيت كل الى حواليك من غير م تحس
امير: (عارف ان كلامه صح بس ساكت)
ايمن:وافتكر ان هى بنفسها الى اعترفتلك بالكلام ده!
امير: ايوة انا عارف
ايمن: افتكر دلوقتى نبتدى حياة جديدة بقى ومنبصش ورانا تانى
وع فكرة انا مكتبتش النهاية الى انت كنت عايزها .. ههههه
اصل انت عملت ييجى 4 نهايات تانى وراها
وبعدين انقذناك
ودلوقتى انت هنا فالمستشفى لما تعبت فأخر جلسة قرآنية عشان تطلع روحها منك..ولعنة الكتاب تسيبك!
امير: يعنى تفتكر؟!
ايمن: افتكر ان بقى ربنا بيحبك عشان ادالك كل الفرص دى انك تبتدى من جديد بقى.. يلا بقى بينا من هنا
وجو المستشفيات ده
وابتدى دون كل الى قولتهولك ف روايتك .. واكتب بنفسك انت النهاية!
امير: بس انا قبل م افوق دلوقتى حسيت انى شوفت كل حاجة حلوة حصلت مع فريدة واصحابى ..حتى كلامها مع دعاء
كأنى فحلم!
ايمن: لا ..انا كنت بقرا شوية فالاجندة ..لومكانش يدايقك =D
امير: يادكتور انا الى ادتهالك ..
ايمن: بس بجد لسه عندى استفهام من اول يوم لقاء لينا سوا وانا بسألهولك!
امير: اتفضل
ايمن: يعنى ايه شمس ديسمبر؟؟
امير: شمس ديسمبر((اتعدلت فقعدتى وابتسمت ابتسامة بحزن)
فريدة كانت دايمآ بتقولى لما هبقى ممثلة مشهورة .هختار اسم شمس
ايمن: اشمعنا؟
امير: كانت دايمآ بتقول الشمس محدش يقدر يستغنى عنها كل يوم
وكل الناس بتحتاج لها
وانا فيوم من الايام دى هكون الشمس دى
ايمن: ع فكرة فريدة كانت انسانة مريضة جدآآ
امير: (هزيت راسى ) الله يرحمها!
ايمن: وعلاقة ديسمبر بالشمس؟؟
امير: عمرك شوفت شمس فضهر ديسمبر؟!
ايمن: مش فاهم؟
امير: يعنى شهر ديسمبر او 12 هو اكتر شهر شتوى عندنا فمصر!
وتقريبآ الشمس لو طلعت فيه بيبقى نورها خافت جدآ
وضعيف
وبتطلع وبتغيب بسرعه!
من غير م حد يحس بيها
والجو التلج الى فديسمبر ع اد م هو مزعج وسعات بيحمل مرض
بس جواه حنية ودفا يملا الكون
واكتر شهر بيجمع كل المشاعر فيه ☺
فشبهت نفسى بديسمبر.. لان وصف ديسمبر هو انا
وشمسه الى طلعت وغابت بسرعه رغم ان الناس مش شايفه وجودها
ولا لاحظته
هى فريدة!
والرواية كلها عبارة عنى انا وفريدة... حكايتنا ف 6 شهور
كانت الاول مكتوبة من اول م تلاقينا لحد يوم وفاتها! :(
بس بعدين كملت كل الى حصل ده .. والى عمر م فيه حد لو قرا حكايتى حيشبهنى!
وكانت لازم شمس ديسمبر تبقى مش مجرد قصة حب عادية
دى قصة متتنسيش
وحتى عنوانها ميتنسيش
وعايز اى حد يقراها يسألنى يعنى ايه شمس ديسمبر!! زيك كده :)
عشان اعرف انى وصلت :)
ايمن: هتوصل ياامير.. صدقنى
امير: مجرد حلم
ايمن: بس ان شاء الله هيتحقق
انا جازفت فعلاجك وفضلت معاك للاخر
نشر ونجاح الرواية دى
هيعتبر نجاحى انا الشخصى فالتحدى الى عملته مع نفسى فعلاجك!
وهو تحويلك من انسان يائس مش عايز الحياة! لانسان جديد
كله تفاؤل
وبيقول للدنيا هاتى الى عندك
(ماسك الاجندة) ع فكرة انا شدتنى كلمتين فالوراية دى جدآ
لدرجه انى كتبتهم ف النوت بوك بتاعى
امير: ايه هما؟
ايمن: (فتح وقعد يقلب لحد م وصل للصفحة)
... ماهو اصل اعظم فكرتين فالوجود هو:
الحب والموت
الناس بتصدق جدآ فالحب مع انه وهم ! وفاكرينه حقيقة وبيفضلو يعيشو يدورو عليه
فيه المحظوظ الى بيلاقيه
وفيه الى بيموت وهو مش عارف معناه
بس الموت حاجة تانية .. فكرة انك تبقى مش مصدق الحاجة الوحيدة الحقيقية الى فحياتك
وترفضها تماما كأنها مش موجودة
هو نفسه تعبير الموت كأنه بيقدملك كادو شخصى يوميآ بان انهاردة مش هجيلك
استمتع بيه زى ماانت عايز
امير: معنى ان فيه حاجة من الكلام الى كنت حاسة تحبها اوى كده وتلفت نظرك..يبقى من غير م استنى تتنشر واشوف رأى الناس
هى كده نجحت فعينى
ايمن: انت اصلا انسان ناجح ..والفشل والحزن واخر الدنيا مش لايق عليك
هفكرك يوم لما تستلم افضل جايزة فالفن القصصى عنها
بالكلمتين دول
قمت سلمت عالدكتور ايمن وحضنته اوووى..يمكن دى اول مرة احضنه
بس بجد
هو يستاهل الحضن ده
...........................
ونفس ضمة ايدينا سوا
واحنا موجودين فقاعه كبيرة ...فلاش الكاميرات كتير اوى والاضاءة عالية
اغلى بدلة اشتريتها فحياتى لابسها .. ومعايا دكتور ايمن ..ومراته واولاده كمان حضروأ
ووالدتى
ده حتى دعاء جت لما اتصلت بيها من سنة .. هقفل دورك ع ايه ؟!
ردت وقالتلى قول للناس انى فوقت خلاص..وبصيت قدامى
لاقيت اغلى حب فحياتي
وحاليآ هى حاضرة مع جوزها الى بيحبها من سنيييييين فالشغل معاه بس هى مكانتش حاسة
وكان فيه اعتذار من اسماء بنت خالتى انها تحضر ..اصلها بتجهز لفرحها برضو
وواضح ان الوراية دى وشها حلو ع كل البنات الى فيها!
لكن طبعآ فيه 2 لو وراهم ايه هيجولى .. دول اصحاب عمرى!
شادى وحامد
الكاميرات مش مبطله والصحافيين ماليين المكان ،، واعلان عن افضل جايزة هذا العام فالفن القصصى للمواهب الشابه
..
انا و4 تانيين كانت قصصنا من ضمن الى ممكن يكونو فازو بالجايزة..وع اساسها جاتنى الدعوة!
وفوجئت باسمى انا !!
"الاستاذ ..امير طلعت!
عن رواية شمس ديسمبر لعام 2013!
فليتفضل مشكورآ لاستلام الجائزة
وعن دموع الفرحة ... والفرحة الى مكانتش سيعانى وسلمت ع كل الناس الى بحبهم ويحبونى!
وبوست ايد والدتى الى دموعها غرقت وشها
وطلعت عالمسرح!!
امير: (كنت لاول مرة اتكلم قدام كل العدد ده من الناس ومبقاش مكسوف)!
احم احم..
انا بجد كنت متفاءل انى انا افوز بجايزة الدولة التشجيعيه دى
والحمدلله
رواية شمس ديسمبر ..هى مجرد خيوط كلها متصله ببعضها
قصة حب تحوى معانى الغموض والتشويق والاحداث المثيرة
من اول م تقراها
متملش لحد الغلاف النهائى!
ارجو انها تكون اسعدت كل الى قراها .. وان شاء الله اوعدكم بالجديد
وكنت حابب اختم كلامى بعبارة كنت كاتبها فالرواية
بعتبرها بتلخص كل حاجة.. وهى
"هو الحب كده ..عامل زى الموت بييجى من غير مقدمات"!
شكرآ
وكأن فيه كامير بتصورنى تصوير بطئ وانا بستلم الجايزة وبتصور مع اللجنة عالمسرح ونازل عالسلم وبسلم ع كل حبايبى واصحابى
وبعدين مرة واحدة جت كده ... بنوتة جميلة اوى ورقيقة جدآ
تشبة كتير لبطلة رواية ابتديت اكتبها فعلا
وكانت مبتسمة وكأنها بجد نفسها تكلمنى!
اروى: استاذ امير انا مش قادرة اوصفلك اعجابى بروايتك دى اد ايه ؟؟ انا قريتها حوالى 5 مرات ومزهقتش منها
بجد بجد حضرتك مبدع اوى فيها
وكنت اتمنى انك تمضيلى عالنيخة بتاعتى
عشان اتشرف بوجودها معايا كنوع من التذكار
امير: (ابتسمت وحسيت بشكة غريبة فقلبى) اسمك ايه ؟؟
اروى: اروى ! اروى عونى
امير: (مضيت ع النسخة الى معاها لروايتى وكتبت الى اروى عونى اتمنى قراءة ممتعة ..امير طلعت)!
اتفضلى
اروى: (بصة عيون كلها حنية وجرآة) انا بجد مش مصدقة انى واقفه قدام حضرتك دلوقتى
انا من زمان من اول م نزلت الرواية فالسوق واشتريتها
وانا بحلم باليوم الى اشوفك فيه ..احم اشوف حضرتك فيه
امير: (مكنتش عايزها تمشى ويكون ده اخر كلامنا) طيب ايه رائيك لو خليتك تعملى حاجة محدش غيرك هيعملها!
اروى: انا تحت امر حضرتك
امير: تقبلى عزومتى عالعشا !! بمناسبة نجاح القصة
والجايزة
اروى: انا (وشها جاب 100 لون) عايز تسيب كل الناس الى مستنياك وعايزة تحتفل معاك دى
وتتعشى معايا انا
امير: ها .. تقبلى؟
اروى: ابقى غبية لو قولت لا.. طبعًا طبعًا
امير: اوك 5 دقايق اسلم عليهم واجيلك..متتحركيش
ومشيت واستأذنت منهم وكالعادة اتغمزو حامد وشادى ..انما الدكتور ايمن مقاليش غير كلمه واحدة
"انبسط! "
وخدتها من ايديها وخرجنا.. وشكل كده الحكاية ابتدت
يارب تكون عجبتكم ... نشوفكم على خير
وتم نقلها لكم من مخيلتى.. نوراسماعيل نتمنى لكم حسن القراءة والاستمتاع
((((((((((النهاية ))))))))))))