نور إسماعيل تكتب: شمس ديسمبر.. الحلقة السابعة

ابتديت ادوخ ياامير...
قولتلها متخافيش يافريدة انا ماسكك اهو وبعيدن الشراع مفرود يعنى مش هنغرق!
كنت مبسوط أوى أوى، انا وفريدة
فمركب شراعية لوحدنا
ده حتى المركبى ادتيله قرشين عشان يسيبنا لوحدنا بقى..
هى كل ما تخاف، كانت تحضننى اووووووى.. وانا كنت بمشى بالمقداف اكتر فالمية عشان هى تمسكنى اكتر
فريدة: أمير بجد انت بتستهبل.. امشى براحه في المية والله بجد بخاف منها
أمير: حبيبتى والله مش هيحصل حاجة.. طول ما الشراع ده مفرود والهوا بيزقه يبقى احنا فامااااااان
وعدو طيور البحر من فوقينا باصواتهم الجميلة
فريدة: الله !! شكلهم حلو اوى (بتشاور لفوق)
أمير: تيجى ننام فنص المركب ونبص لفوق ونستمتع بصوت الموج وهو بيخبط فالمركبه ونبص للسما والطيور دى
فريدة: لا ياخويا انا اخاف!
أمير: تخافى من ايه بس؟.. كل حاجة خوافه منها كده!
فريدة: اولا انت هتسيب المقداف والمركب هتمشى ع هواها ..فالمية وممكن ياخدنا السرحان نلاقى نفسنا ف اثيوبيا
أمير: متخافيش اثيوبيا بنولها سد! هنخبط فالسد متقلقيش
فريدة: ههههههههه يااخى بطل هزار
أمير: بطلى انتى غلاسة وتعالى بس.. الوقت بيعدى
وفعلا نمت على ضهري في نص المركب وبصيت للسما وفضلت هى قاعده من بعيد بتبصلى..
وانا قاعد شغال اغيظها واقول: ياسلاااااااااام.. احساااس فوق الخيااال.. الله الله الله
فريدة: ايه يعنى بتحمسنى أجي أعمل زيك
أمير: والله انا قولتلك وانتى حرة!
بس هى مقدرتش وجت في حضنى واحنا الاتنين بنبص للسما وبنشاور عالنجوم وعالطيور وصوت الميا وريحه الهوا.. ياااااااااااااه
أمير: ياريت نفضل طول عمرنا قاعيدن كده فحضن بعض، ناسيين العالم.. والساعة توقف ومتمشيش.. توقف ومتمشيييش.. أمير.. أمير!!
فوقت !! لاقته كان حلم
بس ياريته كان طول وفضلت حاسس انه حقيقة.. وكان سابنى الدكتور أيمن جايب سيرتك يافريدة مع قلبي
أيمن: صباح الخير
أمير: (قمت من على سرير شكله فاوضة كويسة كده) انا فين؟!
أيمن: انت فالمصحة بتاعتى ..
أمير: مصحة؟
أيمن: انت امبارح فالجلسة معايا كنت تعبان جدًا وجاتلك حالة هياج وتشنجات.. وكان لازم تبات هنا تحت ملاحظتي.
أمير: (قمت وشيلت الغطا) بس انا همشي.. انا مش هقعد فمصحات!
مش عشان جيتلك وقررت احكيلك.. تعاملنى على اني مريض ومجنون وتحجزنى في مصحة كمان!
أيمن: انت تعبت جدًا بليل ومكانش ينفع انك تروح، اديتك حقنة مهدئة ونمت كان لازم احجزك لحد ما اطمن عليك
أمير: (بلبس الشوز) وانا تمام دلوقتى كويس جدًا
أيمن: مش معقول الى انت بتعمله ده يا أمير.. انا خلاص كنت قربت المس زوايا علاجك..ليه كل ما بحاول اوصل.. انتى بترجعنى لورا؟
أمير: بص! انا عايز اقولك ع حاجة.. كل حاجة بتحصل بمزاجي.. يعنى اجيلك وقت مانا اعوز.. واحكي الليانا عايزه.
وممكن اقفل صفحة علاجك دى بالمرة.. لانى ببساطة انا مش مستنى حاجة من الدنيا عشان اتعالج عشانها
أيمن: (هز راسه) اوك زى ما تحب
أمير: انا همشى.. بس لو سمحت متعرفش حد من البيت عندى بجلسه امبارح
أيمن: أوك
خلاص كنت طالع من الاوضة وخارج على برة..
يمن: مش هتحكيلى الحلم الى فيه فريدة !!
رجعتله تانى وبصيتله، يستحيل اتصور انه يطلع دكتور غبى يعنى
وشكلة مش هيستسلم!!
-=-=-=-=-=-=-=-=-=-=-=-=-=-=-=-=-=-=-
يابنتى هو يا اما انتى عند اختك يااما قاعدة لوحدك؟ مش كده يابنتى!
دعاء كانت لسه جايه من شغلها ..يدوب غيرت وقعدت فاوضتها وقفلت ع نفسها بال 3 سعات من غير م حتى تطلع مرة ..تشرب كوبايه مية!
دعاء: معلش سيبينى ياماما انا مرتاحه كده
مامت دعاء: طيب يابنتى ..على كيفك (خرجت وسابتها )
دعاء كانت ماسكة وردة لونها احمر محطوطة فوسط كتاب وناشفه .
مسحت دمعه من عيونها وفضلت باصة للوردة كأنها بتعرض لها اليوم بالتفصيل
الى جت فيه عندها..وبقت ملكها.
فريدة: بصى .. انا معرفش هو بجد بيحبنى ! ولازى الولاد الى بيقعدو يقربو للبنت عشان يوصلو لحاجة معينه
وبعدين يسيبوها
دعاء: اصلا يابنتى هو لو عايز حاجة من الى بالك فيها ، كان عملها وخلص من زمان
مش هيقعد بقى متابعك
فالمواصلات
وفالمحل الى كنتى شغاله فيه
ويجيبلك شغل كمان
وانهاردة يجيبلك وردة !!
ايوة ياعم يسهلوووووووووو
فريدة: هو مجبهاليش بالظبط يعنى
دعاء: اومال بعتها فجواب؟
فريدة: متتريقيش يا دعاء انا بتكلم جد.. بعتها مع شادى صاحبه عشان هو بيشتغل قدام المكتبه
من المحل بتاعه
وقالى لو بايده يبعتلك بوكية .. بس هو قال يصبح عليكى بوردة انهاردة!
دعاء: بس انتى قولتى انك فمرة قابلتيه عشان الشغل لما كان جايبهولك .. يعنى هو كمان حاسس انك بتبادليه نفس الشعور
فريدة: بس والله م قلت حاجة لحد دلوقتى !
دعاء: ماشى يابنتى مقصدش .. بس يعنى اكيد هو حاسس انك بتحبيه
فريدة : بحبه (سرحت )
دعاء: ايوة.. اومال السرحان الى ع طول
وكلامك عنه الكتير
ولازم تيجى تدينى التقرير قبل م تروحى كل يوم يبقى اسمه ايه
فريدة: ده..ده عايز يخطبنى يادعاء
بس هو لسه ميعرفش عنى كل حاجة
دعاء: هيعرف، وبعدين انتى مافيش حاجة تعيبك ولا تعيب اخلاقك
وكون ان باباكى سافر ومن ساعتها سايبكم دى حاجة انتى مالكيش ذنب فيها
فريدة: بس ..انا فقيرة
وحالتى ع ادها
وامى تعبانه
دعاء:كل ده كلام عاادى ..وايه يعنى
كلنا عندنا ظروف ..بس بتختلف
اهم حاجة انه شاريكى
لازم تمسكى فيه بايديكى وسنانك
فريدة: انا حاسة انى بجد..بحبه خالص
دعاء: سيبى نفسك وحبيه وزى ماتيجى تيجى ،ياختى عالاقل انتى دايمآ تتحبى كده
مش عاملة زيي
محدش بيسأل فيا خالص
فريدة: هههههه بتغيرى يابت ولا ايه ؟
دعاء: هههه بغير خالص .. يعنى انا شغالة البس واعمل فنفسى ومافيش حد بيعبرنى
وانتى بتلبسى لبس عادى وموضه قديمة
ومع ذلك بتتشافى يا مضروبة
فريدة: طب بصى انا هديلك الوردة دى عشان انا وانتى واحد ..ولازم افرحك زى م فرحت
دعاء: لالالالا تدينى ايه دى بتاعت حبيبك وليكى انتى،انا مش هاخد حاجة
انا بهزر معاكى يابت
هو انا غيرانه من الوردة بتاعتك
فريدة: طب وحياة غلاوتى عندك تاخديها ..وانا لما اتخطيبله اكيد هيجيبلى بوكيه بحالة ..
ده عنده محل
دعاء: اه يا طماعه
فريدة: ههههههههههه..يلا احتفظى بيها
دعاء: اوك بس المرة الجاية تدينى البوكية كله يابت
مش هتاكلى عقلى بوردة انتى!
...............................
حطت الوردة تانى فالكتاب .. وابتسمت برغم دموعها فريدة
وهى كلمة لكا مين يفتكرها
"الله يرحمك! "
-=-=-=-=-=-=-=-=-=-=-=-=-=-=-=-=-=-=-=-=-=-=-=-=-
رجعت البيت .. وكانت اسماء وامى قاعدين عادى
اليوم بيروح وييجى عليهم وهما زى م هما ..
رحت معرفش كنت مخنوق وعايز اتفش فاى حد !
امير: مساء الخير
الام: كنت فين بايت من امبارح يابنى ، قلقتنى عليك
امير: عادى ياامى ..كنت فداهية واخدانى !
اسماء: هو انت مينفعش ترد ع امك كويس ؟
امير: هو انا صحيح عايز اسأل سؤال.؟ خالتى مبتقولكيش ارجعى بيتكم بقى
شايفك قاعده واكله شاربه نايمة
مأنتخه فلوكاندة ابوكى يعنى
اسماء: (اتكسفت من كلامى ) انا قاعده هنا ياامير عشان خالتى ..الى انت ولا حازم حاسين بيها
واحد طفشان
وواحد حالة مشقلب
ادينى باخد بالى منها ..وبعدين بيت خالتى هو بيتى بالظبط
انت ناسى ان ده بيت خالتى وعمى فنفس الوقت !
امير: اه بيت خالتى وعمى.. طيب
دخلت وسيبتهم ..
وسمعتهم بيحكو عن حازم اخويا .. حازم الى كلنا منعرفش هو فين ؟
ولا بيعمل ايه
دى مش اول مرة يسيب فيها البيت حازم
ويغيب بالشهور
هو كل فترة تقومله جنونة هروب كده
يروح طفشان ومحدش يعرف طريق،، وفجأة يظهر يعمل للبيت كله مشاكل
وبعدين يختفى تانى
بصراحه
بقى عدم وجوده ارحم
بس هو كان بقى الناحية التانية ..
واحد صاحبه : واد ياحازم !! حازم
حازم: (مسطول عالاخر ) اييييييه عايز ايه
صاحبة: الفلوس الى انت جيبتها خلصت .. بح
حازم: (بيتكلم وهو تايه) ليه ياعم ده انا جايب مونة تكفينا 6 اشهر!
صاحبة: بح
خلصت المصلحه كللهااااا
حازم: وبعدين ففصلان امك ده عالصبح ؟ يعنى عايز اعمل ايه
صاحبة: مافيش حل غير اننا نبرشط عالواد بسام الطاير هو معاه مصلحه وياما اتسطح معانا
اصلى ؟
حازم: اصلى يابا! فل عليك ;)
=-=-=-=-=-=-=-=-=-=-=-=-=-=-=-=-=-=-=-=-=-
"شمس ديسمبر: !
روايتى الاخيرة .. والى يمكن مش هكتب زيها
انا كل يوم بكتب حجات فيها من الماضى .. ماضى بتاعنا انا وفريدة
بس فيه حجات كتير ناقصة !
ونفسى اعرف هتخلص ع ايه ؟ وياترى ايه هو مشهد النهاية
اسم شمس ديسمبر ..غريب وعارف انه غريب ومحدش يفهمه
بس يمكن بيلخص مفهوم وملخص كل حاجة حصلتلى مع فريدة
مسكت القلم وقلت اكتب شويه ، وبعدها بساعه وانا هيمان فالكتابه
دخلت اسماء :/
اسماء: مش عايز تاكل ؟
امير: لا
اسماء: طيب(جاية تقفل الباب وفتحته تانى )
ممكن اسالك ع حاجة
امير: مممم خير !(كنت مميل عالاجندة )
اسماء: انت هتفضل كده لحد امتى ؟ يعنى مش ناوى تقوم بقى من الى انت فيه
امير: كام حد قالك بلاش حازم يااسماء؟
اسماء: ها؟؟
امير: عارف انى رديت ع سؤالك بسؤال..بس انا بسألك
كام حد حذرك من حازم ..ومع ذلك انتى لسه بتحبيه
اسماء: كلكم
امير: ومع ذلك لسه بتحبيه ومستنياه، ويمكن قاعدتك دى هنا عشان انتى مستنياه
وفستني جاهية كلام الناس
اسماء: (اتكسفت ) طب يعنى تقصد ايه ؟
امير: اقصد ان حياتنا لما بنختارها تكون جمب انسان حبيناه من كل قلبنا
بيبقى صعب نأمر قلبنا بين يوم وليلة انه يبطل يحبه
ويفوق
ويبقى واحد تانى
والا مكانش حبه بجد!!
اسماء: للدرجه دى بتحب فريدة ؟
امير: مستاهلش روحها الى ساكنانى لو مفضلتتش احبها لحد م اموت 3
دى ردى ع سؤالك ببساطة!
خرجت من عندى اسماء وانا مش عارف اذا كانت اقتنعت ولا هى اصلا مقتنعه من البداية لانها مكانتش من ضمن الناس الى شجعت انى اخطب اسراء اختها !
غريبة ان اسماء بتفهمنى اكتر من انها بتفهم حازم .. بس طول الوقت تعاند معايا وكأنها بتتقمص دور امى
الى تعبت بسبب مشاكلنا
خلصت كتابه وفتحت كتاب شمس المعارف اقرا فالباب اياه.. انا قررت ولازم اوصل لقرارى
-=-=-=-=-=-=-=-=-=-=-=-=-=-=-=-=-=-
حامد: هيستدعى روح فريدة ياناصح !!
شادى: يانهار اسود ؟ وتظهرله ويكلمها
زيها زينا كده عادى
حامد: ايوة.. شوفت بقى جنان صاحبك
عشانن كده مش عايز يدينى الكتاب
شادى: بس دى ممكن تظهر وتشقلب له حياتى وتسكن البيت
حامد: اولا فيه خطر جامد ع بيته واهل بيته من الكتاب ده
وعليه هو شخصيآ
ثانيآ بقى .. لما بيبقى فيه شخص ميت
اى ان كان
مقتول او منتحر
وكان فالدنيا غلبان وطيب
بيظهر العكس وبصورة شريرة ومؤذيه لما بيستدعى بالكتاب ده
شادى: يانهار زى بعضه !! احنا لازم نحذره ياحامد
حامد: امير عندى ومش هيستسلم .. ولو اخدنا هيشترى واحد
ومش هيرجع غير لو اتجنن
او لو موتته روح فريدة بايديها .
-=-=-=-=-=-=-=-=-=-=-=-=-=-=-=-=-=-
الصبح .. بدآ يشقشق
قايمة اسماء..من النوم وهتبتدى تصحى وتظبط البيت كالعادة
وتحضر فطار ليها ولامى
دخلت الحمام ومرة واحدة صوتت !!
اسماء: يالهوى ! معلش مأخدتش بالى انك هنا ياامير وصاحى دلوقت
انا هستناك تطلع
قعدت برة فالصالة وبعدين سمعت حركة فاوضتى وصوتى وانا بقرا فالكتاب... ايديها كانت بتترعش وهى بتفتح باب اوضتى وفجأة
لاقتنى قدامها ..فاوضتى!
اسماء: يالهوى يالهووى يالهوى يانهار اسود
أمير 2
أمير 2
اااااااااااااااااااااااااااااااااااااه
واغمى عليها!!
يتبع...