كشفت الفنانة الشابة راندا البحيري، حقيقة تعرضها للنصب مؤخرًا، وسردت القصة الكاملة من خلال حسابها عبر "انستجرام"، وطلبت ردًا على عملية النصب نظرًا للملابسات التي صاحبت العملية. وكتبت قائلة: "المعادي ڤيو الشروق عملوا من فترة قصيرة event كبير جدًا وطلبوا من جنات إنها تحيي الحفلة وإني أكون موجودة كضيفة شرف للحفلة، وأكيد في مقابل مادي لده أنا سبت شغلي وكان سفر وقطعت السفر ده ونزلت أعمل لهم دعاية لمنتجهم وفهمت كويس عن المشروع واتكلمت عنه في أكتر من محطه تليفزيونية".
وتابعت: "استغلوني في جميع دعاياتهم واستغلوا وجودي واسمي وبعد ما الشغل خلص اختفوا ومدوليش حقي المتفق عليه عايزة أعرف هل الوسيط اللي بيني وبينهم هو السبب وهو اللي نصب عليّ ولا هم شخصيًا لأنهم لو عملوا حركة زي كده ونصبوا على ممثلة ليها اسمها يبقي هيعملوا ايه في البني آدمين اللي اشتروا واللي هيسلموهم شققهم المفروض".
وأضافت: "عموما أنا منزله البوست ده علشان عايزه أعرف هل الوسيط هو اللي سرقني ولا هم شخصيًا ومستنيه رد منهم لأن مفيش حد فيهم بيرد على تليفونه وإن شاء الله خير".