"يا بختك يا إسراء".. جملة ضج بها موقع التواصل الاجتماعي "فيس بوك" خلال الساعات القليلة الماضية، تخفي ورائها حكاية فتاة طالبت المساعدة فحسدها الجميع قائلين هذه الجملة. حكاية إسراء تؤكد مقولة "الدنيا لسه بخير"، فعند الشدائد تظهر المواقف التي لا تنسي وتظل محسوبة لأصحابها. البداية بدأت القصة بتدوينة لإسراء جاء فيها: "ممكن تنزلي رسالتي.. انا بنت 22 سنه من القاهرةامى متوفية وابويا راجل كبير وتقريبا كدا ملناش حد غير ربنا وفرحي تالت يوم العيد ونفسي يبقا فرح كبير مع العلم الفرح قدام البيت مش في قاعة للظروف المادية.. ممكن تحققولي طلبي.وتحضرو الفرح نفس يكون عنديناس واتصور معاهم يوم فرحي واعتبروني اختكم صحكبتكم وتعالو فرحي كل اللي يجي هبعتلو ادد والعنوان.. إسراء". وعود بحضور الفرح وبعد نشر إسراء تدوينتها تفاعل رواد "فيس بوك" بشكل رهيب معها، بل جائتها الكثير من الوعود بحضور الفرح، فقالت خلود إبراهيم: "ياحبيبتي ألف مبروووك.. ربنا يهنيكي يارب وتبقي عروسة قمر.. قولى بس العنوان وانا هحاول اجيلك اقسم بالله لو مكنش انا كمان فرحي بعد العيد ب اسبوع كنت جيتلك من قبل الفرح واسعدك في فرش الشقة". وقالت جنة: "فين العنوان قوليلي ووانا هاجي وهجيب صحبتي معايا وان شاء الله يبقى أحلى فرح". عروض مساعدة شبابية ولم يقف الشباب مكتوفي الأيدي بل بادروا بتقديم المساعدة لإسراء، فقال محمد جمال: "وانا لو ينفع تخلي العريس يكلمني هاجي ازفكم في عربية همر ويعتبر ده اقل حاجة ممكن اعمله". وقال مصطفى: "انا بغني وبعزف في فرقة في الاوبرا ابعتيلى العنوان والفرقة كلها بالالات هتكون عندك يوم الفرح واليوم كله عليا..ولو فيه اي حاجة تانية اقدر اساعديك بيها قولي بس.. والف مبروك يا قمر". مفاجأة وفاجيء خالد محمد، العروس إسراء، قائلاً: "كلمت مسؤول قاعة فندق القوات المسلحة وقالي يشرفنا تعمل فرحها عندنا من غير أى تكاليف". وأضاف: "وتواصلت مع مدير أعمال تامر حسني وخالد سليم ورحبوا انهم يحضروا الفرح".