فيرنا إبراهيم تكتب: احلام مجنونة ( 1 )

مهما كان حلمك بعيد، كلما احببته سعى هو اليك، فالاحلام تحب من يحبها ويتمسك بها، حتى ان كانت احلامك مجنونة، فهل ستتحقق تلك المقولة مع راندا.
راندا فتاة تبلغ السادسة والعشرين، تعشق الاطفال، ولذلك اختارت ان تعمل معلمة رسم، ولديها الكثير من الاحلام.
ولكن هناك حلم يراودها دائما فى نومها وصحوها.
مجدي في التليفون: ايه يا بنتي انتى لسة نايمة ولا ايه
راند: في ايه صحتنى من احلاها نومة كنت بحلم حلم جميل
مجدي: احلام تأنى طب فوقى بقى من احلامك شوية بقولك ايه صحصحي كده علشان هعدى عليك دلوقتى يلا البسى بسرعة
راند: هنروح سينما
مجدى: يابنتى مفيش فى دماغك غير الافلام ارحمى نفسك يلا 5 دقايق وهكون عندك باى
راندا: باى
الام: كنتى بتكلمى مين يا راندا
راندا: ده مجدى ياماما اصل احنا خارجين مع الشلة
الام: يادى شلة الجامعة بتاعتك يا بنتى دول نحس بقالك 5 سنين متخرجة كل دفعتك اتجوزوا ماعدا شلتك النحس دى يا بنتى اتفرقوا يمكن ربنا يفكها عليكم بدل ما انتوا نحسيين بعض كده
راندا: هههههههههههههههه اولا بقى مافيش حاجة اسمها نحس و بعدين يعنى هو مافيش حاجة تبسط غير الجواز وبعدين انتى عارفة يا ماما انا فارس احلامى ده صعب الاقيه حواليه ناس كتير عمره ماهياخد باله منى
الام: هو مين ده اللى مغرق اوضك بصوره انا مش عارفة عجبك فيه ايه سامر بتاعك ده
راندا: لو سمحتى ياماما متتكلميش عليه كده
الام: طب روحى يا اختى البسى علشان تلحقى معادك
فى السيارة
اشرف: ههههههههههههه
مجدى: انت بتضحك على ايه
اشرف: عليك يا صاحبى الناس كلها خبيتها السبت والاحد وانت خيبتك الاسبوع كله
مجدى: طب بطل تريقة بقى الله يخليك كفاية اللى انا فيه بقولك ايه اوعى تقولى اننا خارجين السينيما انا اروح اى حتة الا السينيما
اشرف: طبعا خايف راندا تقولك داخلنى فيلم سامر الجديد
مجدى: البت دى مجنونة اكيد انا مش عارف هو ساحر لها وبعدين ده دمه تقيل
اشرف: لا يا جدع حرام عليك ده دمه زى العسل
مجدى: انت بتغيظنى يعنى
اشرف: خلاص ياعم بلاش فيلم سامر تعالى ندخل فيلم كارتون
مجدى: ومين هيقنع راندا بالكلام ده
اشرف: انت طبعا
مجدى: ههههههههههههه وتفتكر هترضى
اشرف: ياعم خليك جامد كده هو فيلم كارتون يعنى فيلم كارتون خلصت وهى عيلة اصلا هتوافق
فى السينما
راندا: ايه يا مجدى جبت التيكت
مجدى: اه طبعا
راندا: فيلم سامر
مجدى: لا فيلم كارتون
راندا: يا ابنى انا عايزة ادخل فيلم سامر
مجدى: وانا عايز فيلم كارتون وبعدين التذاكر بتاعت فيلم سامر خلصت
راندا: طيب ندخل الفيلم الكارتون يلا روح اشترى لنا تذاكر الحفلة اللى بعد دى فيلم سامر
اشرف: هههههههههههههه
راند: بيضحك على ايه ده
أشرف: انا بضحك على الفيلم اللي احنا داخلينه
راند: وبتضحك عليه قبل ما تدخله ربنا يشفى يلا انا هستناك انا وأشرف جوه
اشرف ينظر لمجدي: قابل يا صاحبي