طالب ب"إعلام القاهرة" يحول لمجلس تأديب لرأيه في ثورة 30 يونيو

قال حسين لطفي، الطالب بكلية الإعلام - جامعة القاهرة، إنه تم تحويله إلى التحقيق في الجامعة على خلفية رأيه السياسي في ثورة 30 يونيو.
وأضاف خلال صفحته على فيس بوك، أنه تلقي مكالمة هاتفية أبلغه خلالها المتصل "أنت ليك أكونت تانى غير دا؟ طيب الحق فيه أكونت حاطط صورتك واسمك وشاتم العميدة"، مضيفا: يومها دخلت على الأكونت لقيته مسروق من بنت أجنبية، وصورها وكلامها مع صحابها باينين، قلت الأكونت واضح جدا أنه مسروق وقلت لصحابي يعملوله ريبورت وخلاص".
وتابع: في اليوم التالي، ذهبت إلي الجامعة، حيث فوجئت بقرار تحويلي إلى التحقيق من جانب إدارة الكلية، ودخلت التحقيق قلت اللي عندي، وبعدين لقيت موظف الشؤون القانونية جايبلي سكرين شوت من الأكونت الأصلي بتاعي فيه شتيمة ل30 يونيو، وبيقولي مش دي بتاعتك برضه ؟ قولتله هي الشكوى معمولة فيا عشان أكونت عليه اسمي شتم العميدة ولا عشان رأيي السياسي، راح قام وفتح باب المكتب وقالي اطلع برة، واتحولت إلى مجلس تأديب".