"أديب": "عيسى كان صداع للدولة.. والحكومة تعبانة والمصريين مبيرحموش"

قال الإعلامي عمرو أديب، إنه لا يمكن وصف إبراهيم عيسى بال"خائن" ولكنه مجرد إنسان وأخطأ، معقبا: "احنا بني آدمين وأراء تمشي على الارض وممكن نغلط".
وأضاف "أديب"، خلال تقديمه برنامج "كل يوم"، المذاع علي فضائية "on-e"، اليوم الأحد، أن الإعلام المصري كان له دور كبير في الوطن العربي، معقبا: "انا بقول لكل الإعلاميين اللي قعدوا انتم السابقون ونحن اللاحقون.. وربنا كرمكم أنكم خرجتم على رجلكم وأبطال.. واحنا الله اعلم هنطلع منها ازاي وسط هذا التوحش الذي أصبح موجود لدى بعض المصريين ومفيش حوار دلوقتي".
وتابع: "احنا مبناخدش في ايد الدولة 5 أيام عشان نوقف والارهابيين بيتحاكموا سنين.. والمجتمع فيه مشكلة كبيرة وانا عارف أن الدولة تعبانة والمصريين مش بيرحموا وفيه أزمات اقتصادية والناس يهمها كيلو السكر اكتر من ابراهيم عيسى لكن مفيش انتعاش اقتصادي بدون ديمقراطية حقيقة وانا عارف أن الدولة معذورة وعندها ارهاب ومسئوليات".
واستطرد عمرو أديب قائلاً: "إبراهيم عيسى لما مشي الدولار مش هينزل ولا الدنيا هتتحسن ولا حاجة هو كان صداع والدولة اخدت اسبرين وخلاص".