مرتضى منصور: "الزمالك مش أقل من الأهلي.. والجمهور الأبيض زعلان"

فتح مرتضى منصور رئيس نادي الزمالك، النار على منظمي مؤتمر الشباب الذي عقد في شرم الشيخ بحضور رئيس الجمهورية عبد الفتاح السيسي، بسبب عدم دعوته لمؤتمر "شغب الملاعب والجماهير"، والذي شهد حضور وزير الرياضة خالد عبد العزيز وعدد من الرياضيين.

وتابع: "لما تتكلم عن موضوع أنا (البطل) بتاعه يبقى تقولي إتفضل ياباشا إتكلم مش إبراهيم فايق (العبيط) اللي طلع شتمنا كلنا، اللي كان بيشيل الشنطة ل(شوبير) .. ولن نسكت عن هذه المهزلة".

وواصل: "اللي حصل ده جريمة، لأن لما تناقش شغب الملاعب وعودة الجماهير يبقي يجب دعوة (البطل) اللي حضر ووقف وإنضرب عليه رصاص ومية نار وذهبوا إلى منزله وألقوا عليه قنابل وقاوم ولم يخف وكمل حتى إستطاع أن يعيد الجمهور للمدرجات اللي إنتم فرحانين بيهم دلوقت".

واستطرد: "أنا غضبان والزمالكاوية غضبانين لأن عندما يتم دعوة محمود الخطيب كرمز أهلاوي لحضور تلك الندوة كان من المفترض أيضاً دعوة رمز زمالكاوي، لأن الزمالك مش أقل من الأهلي وجمهوره يبلغ 40 مليون مشجع، ولو زعلان من مرتضي منصور إدعو حازم إمام أو فاروق جعفر".