صوتيا.. البلتاجي: نائب رئيس أسوان يهدد بثورة.. وعبد الله: بيعتبرونا يهود

انتقد رضا البلتاجى رئيس لجنة الحكام، تصريحات محمد عبد الله نائب رئيس نادي أسوان، بتهديد الرئيس عبد الفتاح السيسي بثورة في الجنوب لتعادل فريقه أمام الإنتاج الحربي بدعوى ظلم الحكم لأبناء الصعيد.

وقال البلتاجي في تصريحات لبرنامج استاد كورة إف إم: "ينفع إللي بيحصل ده علشان خاطر ركلة جزاء يطلع رئيس نادي يهدد رئيس الجمهورية بثورة في الجنوب، إحنا في إيه ولا في إيه".

وكان عبد الله قد فتح النار على مسؤولي الكرة في مصر قائلًا: "الفريق بيتعرض لظلم بين في كل مبارياته، والحكم محمد عادل الذي أدار مباراة الإنتاج الحربي تعمد الظلم بركلة جزاء غير صحيحة ضدنا وعدم احتسابه ركلتي جزاء صحيحتين لصالح أسوان" .

وأضاف في تصريحات تليفزيونية: "عايزين مننا إيه، عايزين ترتاحوا من فرقة أسوان قولولنا.. أنا أرسل الشكوى دي لأكبر رؤوس الرياضة في مصر.. عايزين ثورة تاني من عندنا من أسوان، قولولنا العدل والحق ناخده إزاي".

وتابع عبد الله موجهًا كلامه للحكام: "انتوا عايزين إيه من أسوان، انتوا بتعتبرونا إسرائيل، ومش عايزين النادي في الممتاز، خلاص إحنا مستعدين لثورة تانية في الجنوب".
لمشاهدة الصوت من هنا