موبايلك بيفكرك "إشربي مياه"

بتشربي الماء بالقدر الكافي في اليوم؟ دايما بتنسي تشربي بشكل منتظم؟ فيه آبليكايشن جديد على الموبايل بيفكرك تشربي مياه كفاية وهيخلي شربك للمياه عادة منتظمة. بضغطات صغيرة على جهازك هتقدري تحددي كمية المياه اللي عاوزه تشربيها ويفكرك كمان فاضلك كام كوباية النهارده.

طيب إيه أهمية الآب ده؟
الماء له فوائد كتييييييير.. بيحافظ على رشاقتك لإنه بيحتوي على 0 سعرات حرارية، ويحافظ ويزود من جمال بشرتك وشعرك وضوافرك. وبيزود من حيويتك وطاقة جسمك، دا غير أهميته للكلى والمعده والأمعاء والقلب والدم وتنظيم درجة حرارة الجسم.

الدراسات أثبتت إن الماء بيكون أكثر من 50% من جسم الإنسان، وعشان كده كل خلية في الجسم محتاجه للماء بشكل يومي وبكمية صحيحة، وبكده تحافظ على جودة أدائها لوظائفها. وبيوصي المتخصصين إنك تشربي من 8 ل 10 أكواب من الماء وهو ما يعادل 2.200 ملى لتر من الماء.

مؤشرات مهمة بيقولها جسمك عشان يطالب بحقه في كمية مناسبة من المياه
v الإجهاد أو التعب أول علامات بيظهرها جسمك عشان يقولك إنه في شبه حالة جفاف وإنه محتاج للمياه.
v حالتك المزاجية وقدرتك على التفكير بيتأثروا جدا بكمية المياه اللي بتشربيها في يومك.
v لون البول مؤشر لمستوى الماء في جسمك، فكلما كان لونه فاتح بيكون مؤشر على تحسن مستوى الماء في الجسم والعكس طبعا.
v دراسات كتير بتقول إن شرب الماء بشكل منتظم وخصوصا في الصباح بيكون له تأثير جيد على حالات الصداع والصداع النصفي اللي في حالات كتير بيكون سببه الجفاف.
v حالات الإمساك وعسر الهضم بيكون سبب رئيسي فيها نقص المياه من الجسم.
v احيانا تلتزمي بكل تعليمات المختص بالنظام الغذائي وتلاحظي عدم فقدك للوزن بالشكل المفروض. الماء بيزود معدل حرق الدهون وبيقضي على الخلايا الدهنيه. دا غير كمان إنه بيزود الإحساس بالشبع.
v إذا لاحظتي أي تغيير على بشرتك (جفاف – خطوط – حب شباب )، كل دي مؤشرات إلى إن بشرتك في حاجة للماء، اللي بيحسن من حالة بشرتك وبيجدد أنسجة الجلد ويزود من رطوبتها ومرونتها ويحميكي من آثار الشيخوخه.
v أي تغيير في رائحة الفم مؤشر كمان على حاجة الفم للماء اللي بيخليه في حاله رطبه ويزيل آثار البكتيريا وبقايا الطعام. علشان كده بينصح الخبراء بالمضمضة على الأقل بعد الوجبات.