مصطفي بسيوني يكتب: "قلب فضة في حضن بور"

هنرجع تاني للقصة
وللحدوته من تاني
ونرجع للفرح تخاطيف
وللسهره اللي ما بتحلي
ولليوم اللي مبيخلصشِ
نعيد ونزيد في 1000 حوار
ولا بيخلص ولا بيتحل
كإن البقره في الساقيه
عجبها اللف والدوران
كإن المعجزات خلصت
وأصبح مستحيل جدا
لقُانا يتكتبله نهار
كإن الغيب بيكتب شئ
مدبر حاجه في القصه
مفادها يقول يا واد اصبر
ما كل المشتاقين زيك
لهيب نار اللقا صابهم
وكل العاشقين قبلك
كانوا زيك كده مجانين
وانا اللي خلاص بقيت مسلوب
قليل الحيله والتفكير
بقيت مصلوب علي قلبك
وقلبك رغم حبه ضعيف
بيضعف لما كنت اطلب
اقابله او أطول واصلهُ
ورغم اني خلاص عارفه
حنيّن لما كنت ابعد
و عارف انه كان يتعب
في يوم ما بغيب كتير عنه
وكنت زي طفل وحيد
بيفرح لما بتعودي
ويرضيَ لو يطوّل نجمك
لكنك لسه برضوا غياب
نهايه القول .. انا مليّت
عشان كتر العتاب واللوم
معايا زودوا الفجوه
وقلبي يا حلوه لو فضه
بيكسب لو هبيعه ف يوم
ولو مهما يزيد هجرك
ف قلبي مستحيل يفضي
من حاجات يوهبها ليكي
وأنّ لما تعودي ب اسكت
والوجع لو زاد ف قلبي
كان يطيب يا حلوه منك
بعد لما ينول علاجك
عارف ان الحضن فاتك
بعد مني ارض صحرا
بس عارفه لما هرجع
ارضك البور اللي زارها
جوه حضني هتبقي جنه