بالفيديو.. مى القاضى ل"الفجر الفنى": لم أكن راضية عن دورى فى ادم وجميلة لهذا السبب!!

أكدت الفنانة مى القاضى، أنها كانت لم تكن راضية عن أدائها فى بعض المشاهد فى مسلسل "أريد رجلا"، مشيرة إلى أنها لديها طموح كبيرة وكثيرة لتحقيقها الفترة المقبلة.
وأضافت "القاضى" خلال ندوة "الفجر الفنى" قائلة: "بين الرضا والطموح عندى مشكلة لما بتفرج على أعمالى ببقى مش راضية عن أدائى فى الدور وده يمكن عامل من عوامل نجاحى، ويمكن اكتر حاجة مش راضية عنها دورى فى ادم وجميلة مع ان استاذ احمد سمير فرج كان بيقعد معانا بس فى مشاهد مش مصدقة اللى عملته فى مشهد او اتنين مضايقينى ازاى مش اقوى من كده".
وتابعت كلامها قائلة: "ىسمرا بنسبة كويسة ممكن أكون راضية عنه أما الطموح موضوع تانى خالص لسة بدرى جدا لسة مبدأتش اخد خطوات كتيرة الحمد لله فى وقت قصير حققت نجاح معقول الحمد لله بتوفيق ربنا لسة بدرى عليه وفى حاجات اقوى انا دايما بحب الخطوات بخاف من الطلوع السريع اى صعود سريع بعده هبوط سريع يوم ما أبدأ فى مكان هكون تعبت عشان اوصله بفرح بالنجاح وهبقى شايفة انى قد الموضوع".