مذيعة «دريم» تنفعل على وزير الداخلية: «اتكلم أنت في موقف حرج»

انفعلت الإعلامية رشا نبيل، على وزير الداخلية بسبب ندرة أحاديثه الصحفية وإيضاحه للمواطنين والمجتمع حقيقة التجاوزات من قبل أفراد الشرطة، قائله: "هو فيها ايه يعني لما وزير الداخلية اللي مبيتكلمش خالص يطلع يتكلم للناس هيحصل ايه يعني، هيقولوا مثلا الوزير اللي بيتكلم كتير ولا اللي مالي الفضائيات ياسيدي متكلمناش احنا اتكلم في مجلس الوزراء انت اصلا عندك مشاكل كبيرة اصلا وفي موقف حرج".
وأضافت "نبيل"، خلال تقديمها برنامج "كلام تاني"، المذاع على فضائية "دريم 2"، الخميس: "وزير الداخلية محتاج يحافظ على الروح المعنوية للضباط وافراد الشرطة وفي نفس الوقت محتاج يطمئن الناس اللي عندها مشكلة مع الداخلية.. اتكلم.. اتكلم ياوزير الداخلية ده كلام الرئيس ده هو اللي بيقولكم اتكلموا للناس ولا انتم مش بتسمعوا الكلام ولا ايه.. وأنا اجيب حبوب مهدئة منين تتحمل الوضع ده كله".