شيتوس : هذه حقيقة "خناقتي" مع لاعبى الأهلى

أكد وائل رياض مدرب فريق الانتاج الحربي، أنه لم يشتبك مع أحد عقب لقاء الانتاج والأهلي، والذي انتهي بفوز الأخير بهدف دون رد، ضمن منافسات الجولة ال12 من المسابقة المحليه

وسرد شيتوس ماصدر منه بعد اللقاء علي صفحته الشخصيه : توضيح مهم جداً :
1- الناس اللي فاهمة اني كنت بتخانق مع لاعيبة الاهلي دول ناس مش فاهمة حاجة ، اولاً انا نزلت علشان لقيت اللعيبة بتتخانق ونطيت علي حسام غالي علشان لقيته بيشتبك مع فادي نجاح .
2- عماد متعب كان بيتخانق مع محمود عبد الحكيم وبردو نزلت علشان افض الاشتباك ده والحمد لله قدرت اعمل ده .
3-بعد المباراة كنت متواجد في غرفة ملابس الاهلي ببارك ليهم علي نتيجة المباراة .
4- بعد المباراة اخدت محمود عبد الحكيم وفادي نجاح لغرفة ملابس الاهلي علشان يعتذروا لمتعب وغالي وفعلاً تم الصلح .
4- لاعيبة الاهلي الكبار الموجودين في الاهلي مش زمايل ليا او اصدقاء دول اخوات بمعني كلمة اخوات ,وعلي فكرة متعب وعبد الله السعيد روحوا معايا بعد الماتش.
5- المشهد اللي ظهرت فيه وانا علي الخط متعصب ده بسبب احساسي ان فريقي اتعرض لظلم باحتساب 6 دقائق وقت بدل ضائع و ده من وجهة نظري .
6- رغم اعتراضي الا انني لم ولن اتلفظ بأي كلام للحكم الذي اكن له كل احترام .
7- النادي الاهلي علمنا الاخلاص والاجتهاد والابتعاد عن اي شبهة وضرورة النزاهة دائماً و الحمد لله الواحد دائماً بيحاول يعمل ده علشان هو ده اللي اتربيت عليه في النادي ...
8- مبروك للاهلي اللي بتمني من كل قلبي انه يكون بطل الدوري .
.9- مبروك للانتاج الحربي الاداء الرجولي الجيد امام فريق كبير .
10- شوقي غريب مدرب بجد محترم ...
11- انتظروني مديراً فنياً للاهلي بإذن الله..