بالفيديو.. نيكول سابا تكشف ل"الفجر الفني" كواليس دورها فى "نصيبي وقسمتك"

أعربت الفنانة نيكول سابا، عن سعادتها بتكريمها من مجلة "كاريزما" مؤكدة أنها تعتز بهذا التكريم، وتمنت دائما أن تكون عند حسن ظن جمهورها.

وأضافت فى تصريح خاص ل"الفجر الفنى" قائلة: "تكريمى حاجة كبيرة جدا طلعت كتير على الكوفر وبيتابعونى كل أخبارى تقدير حلو للفنان لما مكان يكرمه بجانب أن احمد هلال وداليا أصدقائى".


وعن ردود الأفعال حول كليبها "قررت" ردت قائلة: "ردود أفعال ايجابية وانا بحب دايما يكون فى أعمالى رسالة بخفة ودم وشقاوة حبيت هنا أوضك ان السوشيال ميديا خدتنا حبيت أقدمها بشكل لطيف وإننا عشان ننبسط مش محتاج فلوس ولاصرف كتير ليه النهاردة شايفين اننا عشان ننبسط محتاجين صرف، وحتة التمثيل تخلينى اقدم قصة قصيرة وتعاونى مع ياسر سامى طلعنى بشكل مختلف، والحمد لله حققت نسبة مشاهدة حلوة".


أما عن تحضيرها لألبوم جديد ردت قائلة: "نفسى أعمل ده جدا عشان ارضى كل الاذواق فى ناس عايزى تشوفنى بأشكال مختلفة بس عايز تفرغ، وطبعا مع التمثيل مفيش فراغ بس هحاول أعمل ده".


وعن تأخير طرح مسلسل نصيبى وقسمتك تابعت كلامها قائلة: "هو خرج من السباق رمضانى والسبب ان الحلقة طويلة، وطالعة بشخصيتين شخصية رومانسية وشخصية تراجيدية، وجاية فى يوم تصوير كابل فجئة تانى يوم تراجيدى وبكلم هانى اقوله انت امبارح ولا انت النهاردة وكانت كواليس حلوة جدا، وإن شاء الله ينزل أول السنة الجديدة".


وعن خوضها فيلم جديد مع عمرو واكد ردت قائلة: "الموضوع انتشر جدا، ومازلت فى مرحلة القراءة وتفاوض ولو حصل هبقى مبسوطة عمرو واكد ممثل هايل وبحب السينما عشان تنوع وتظل خالدة مع الجمهور، وولهذا الأمر لا يمكن أن أكون عشوائية فى اختيارى بختار بعناية ولكن لو خوضت التجربة هكون سعيدة".

وقالت "سابا"، عن دورها فى مسلسل "من قلب العدالة": "تجربة حلوة فائدتها توزيع انتشار الفنانين انطلاقة خليجية وطالعة ضيفة شرف فى 5حلقات طالعة بدور فنانة غير نيكول سابا يتهموها بقضية قتل 5حلقات حلوين واستمتعت جدا بيهم وحلو ان الفنان يوسع انتشاره فى العالم العربى".


وعن وداع سنة 2015 ردت قائلة: "مش عايزة أودعها انا حباها كانت سنة نجاح ومثمرة عملت أعمال كتير نقلة للى جاى دورى شهرزاد وكليب "قررت" فى مرحلة نقلة، وطبعا السئ فى هذه السنة سماع الأخبار مش حلوة والتفجيرات".


وعن أمنيتها فى العام الجديد ردت قائلة: "امنيتى يعم السلام من لبنان لكل الوطن العربى".


واختتمت نيكول بكلمة لجمهورها قائلة: "يارب كل حاجة بقدمها تعجبكم والسنة ديه هكون موجودة فى مصر 4حفلات بس انا ههدى الشعب المصرى أربع حفلات من مصر الجديدة لوسط البلد فندق السلام وسميراميس ومول العرب وفورسيزون الجيزة، وكمان أول حاجة هقولها دلوقتى هطلع على التليفزيون المصرى فى حفلة لرأس السنة وده شرف ليا وهقول للجمهور وراكم وراكم حتى اللى مش هيجى الحفلة هيشوفنى تليفزيون، ويارب سنة جديدة وبخير يارب".