قصيدة مصر بلدنا‎

مصر بلدنا
مصر بلدنا يا نبع الخير
صابرة يا غالية مع المشاوير
جيلك ناضل
وحلمه الفاضل
إنك تبقي معانا بخير
شفت عيونك ع المرايات
جوا جفونك ياما حكايات
عدت بيا ساعات لياليا
وأنتِي ف قلبي وجوا الذات
..
قلبي ف حبك رفرف فوق
حلمه ف بكره لكل شروق
وعلى غصونك شفت أنا لونك
والأحزان بكرة هتروق
كل خطاوي فيكِ محبة
قلبي ف عشقك زاد مية حبة
راجع ليكي وعمري دا فيكِ
شعري أنا شاب وفضلتي يا شابة
...
يلا تعالوا نعمَّر فيها
نمسح أي دموع ف عْنِيها
نزرع وردة بفرحنا نرضى
وكل كلام الحب دا ليها
مِدّي إيديكي يا أمي خديني
فوق لسحاب السماء ودّيني
مصر يا عالية يا أمي الغالية
قلبي أنا حابك وأنتي في عيني
قلبي أنا حابك وأنتي في عيني
كلمات الشاعر / أبوالحسن حسن عكاشة