بوسى: أحببت فى نور الشريف طيبته وشهامته

كشفت الفنانة بوسى، عن ان اول لقاء حدث بينها والفنان نور الشريف كان بعدما شاهدها مع جدتها، حيث منذ هذا اللقاء وقال أنه يريد الزواج منها.
وأضافت خلال لقائها فى برنامج "أحلى النجوم" مع الاعلامية بوسى شلبى على قناة النهار قائلة: كتير كانوا بيسالوا نور اية اللى عاجبك فى الطفلة دى، وفعلا انا كنت وقتها صغيرة جدا، واللى عجبنى فيه خفة دمة وطيبته وشهامته، واحتوائة".
وتابعت قائلة: "أنا كنت طفلة وكان بيتعامل معايا كأنى بنته، طفلة فى كل شىء وفى حكمى على الاشياء والتعامل معه وهو كان بيحبى كدة وانا كنت بحبة اوى، نور ملوش حد غيرنا لانه يتيم الأب ووالدته كانت بعيدة عنه، فيعتبر كان يتيم الام والاب، ووالدتى بالنسبة له كانت زى والدته، وأنا فى حياتى مقدرش اشوف نور ضعيف حتى لو مضايقة منه، اقوله ادام الولاد انا الغلطانه حتى لو هو الغلطان وعايز يعتذر مكنتش ارضى لان مش بحب اشوفة ضعيف".