ريهام سعيد: ليس لدى مشاكل مع "النهار".. ولو اتسجنت سأستمر فى تقديم برنامجى

نفت الإعلامية ريهام سعيد، ما تردد حول وجود خلافات بينها وقناة النهار، والذى تسبب فى توقف البرنامج الفترة الماضية والإكتفاء بتقديم حلقات سابقة.
وأضافت خلال لقائها فى برنامج"صبايا الخير" قائلة: "أنا مافيش أى مشاكل بينى والقناة ومش عندى إكتئاب تسبب فى تقديم حلقات قديمة من البرنامج الفترة الماضية، ولكن السبب الرئيسى فى ذلك هو إنشغالى بتقديم حلقة تاريخية على الحدود السورية اللبنانية عند داعش فى طرابلس".
وتابعت قائلة: "الحمدلله ربنا أعطانى صمود كبير جدا، ولو فى قنوات تانية أو أشخاص حاولوا يعملوا لى مشاكل أو محاضر عشان البرنامج يقف، البرنامج مش هيقف، لو إتسجنت هسجل حلقات برضة عشان البرنامج يتذاع".
واشارت قائلة: "انتظرونى الحلقات القادمة من أجمل بقاع العالم لبنان والحدود السورية اللبنانية، وأعتقد أن اللى هتشوفوة فى الحلقات دى درس مهم لينا كشعب مصرى يعنى إية حرب يعنى إية نتفرق ونبقى ضعاف، إحنا رحنا كمصريين عملنا كل حاجة السوريين محتاجنها من مياة وكهرباء اللى قدرنا عليه، ودى مش تبراعات، لكن مجهود شخصى قدمناه على أكمل وجه وأخدنا أدعية كتير من اخوتنا السوريين".