"مواطنون" عن غلق شارع الهرم: "هيقطع عيشنا ومش هنعرف نشتغل"

قال اللواء إسماعيل الجندي- رئيس الهيئة القومية لمترو الأنفاق، إنه من المقرر إغلاق شارع الهرم لمدة 3 سنوات متتالية بدءً من مطلع العام المقبل وحتى 2019؛ لإنهاء أعمال تحويلات المرافق وتغيير حركة المرور لتنفيذ المرحلة الرابعة لمترو الأنفاق.

واستطلعت "الفجر" آراء عدد من السكان وأصحاب المحال التجارية والسائقين حول إغلاق شارع " الهرم" وتأثير ذلك عليهم، وقال أحد السائقين: قفل شارع الهرم هيقطع عيشنا ومش هنعرف نشتغل وهيخلي الضغط كله على شارع فيصل" بينما قال أحد المواطنين الذي كان جالساً في انتظار ميكروباص: "ما يقفلوا مصر كلها أحسن، قافلين محطة السادات وهيقفلوا شارع الهرم ايه اللي ناقص!".
أما إحدى الطالبات قالت: "قفل شارع الهرم مش هيخلينا نعرف نروح مدارسنا احنا بنتأخر من وقفة الطريق كده مش هنعرف نروح خالص".

وقال محمد أحمد صاحب مطعم وكازينو: "لما يقفلوا شارع الهرم احنا هنقفل احنا كمان"، بينما أيد أحد المواطنين هذا القرار؛ لأنه سيساهم في تقليل الضغط على الشارع بعد إنشاء المترو "نصبر 3 سنين ويتعمل مترو وبتوع الميكروباصات يبطلوا يبيعوا ويشتروا فينا".
يذكر أن شارع "الهرم" تم إنشاءه في عهد الملك فؤاد الأول، يبدأ من ميدان الجيزة وينتهي عند الأهرامات.