مراتي مش نضيفة

السلام عليكم ورحمة الله ,
استاذة نيفين كيف حالك ياريت من فضلك نشر رسالتي ,
انا متزوج من 12 سنة ومعايا عيال طبعا والحمد لله .. ومشكلتي من
اول الجواز هية هية .. ان مراتي مهملة جدا في نضافة البيت عموما ونضافتها الشخصية كمان .. يعني الأولى ممكن أعديها وأستحملها .. طيب والتانية ؟؟؟؟
هتقوليلي انت لسة فاكر تشتكي ؟ هقولك الزمن بيمر وانا معظم وقتي في الشغل دة غير خاطر الأولاد بس .. صحيح هية عدد سنين طويلة جدا لكن زي ما تقولي كدة الزمن بيعدي والواحد مش مركز كام سنة بيفوتوا من عمره بس بقالي فترة مضايق لدرجة مش عارف أعديها .. وبرضه بقول لنفسي أعديها ليه مش زوجتي لو عندها مشكلة معايا كانت هتعديها ؟؟ أكيد لأ .. أتصرف إزاي وأعمل ايه لأن الكلام معاها بقى بدون أي فايدة هية في الاول كان ممكن تاخد بالها شوية وبعدين ترجع ريما لعادتها .. ارجو من أصدقاء فضفضة ينصحوني بجد لأن الموضوع معايا كبر واللي مكنش أقدر أعمله زمان علشان الأولاد وهو الطلاق بفكر أعمله دلوقتي .
عبد الله