جر معاها ناعم

دخلت نفسي في مشكلة كبيرة مع زوجتي .. انا بعترف انا غلطت في حقها جامد وده تصرف اتكرر وهية كانت محذراني لو اتكرر هتاخد إجراء عنيف ومن الواضح أنها بدأت فعلا .. انا مذلول والله ومش قادر افتح بقي هية عندها حق وانا بحبها جداً جداً وهية كمان .. ماشية على نظام تعمل الأساسيات في البيت بس وكل طلباتي مجابة لكن في صمت رهيب وانا بلف حوالين نفسي دلوقتي .. اغيثوووني من شغل الستات ده والنبي .
محسن
فضفضة
محررة الصفحة .. نيفين حجازي
تعرف تجر ناعم يا أستاذ محسن ؟ جر ناعم على الآخر انت مضطر ومفيش قدامك غير كدة واعتبر ان ده من ضمن عقابها ليك انت اللي جيبته لنفسك يا زعيم .. بعدين ياريت بلاش تهور تاني أرجوك علشان اللعب مع كيدهن عظيم عظيم .. ربنا معاك .