ان كيدهن عظيم

المشكلة أني اتقفشت من مراتي وأنا بكلم واحدة على الفيس .. هوة الكلام عادي جداً والله بس هية كل شوية تتحجج باي طلب عشان تدخل من عندي على الفيس وتقعد عليه شوية ومن هنا جت المشكلة .. بتعمل علية قبضيات كل شوية ههههههههههه ، دلوقتي الموضوع كبر ودخل في طلاق .. بس هية على فكرة ملهاش في موضوع الطلاق لكن هوة لبانة على لسانها ، ومش عارف اخرج من المغرز ده ازاي ؟ ده انا غلبت في تبرير الموقف لكن فشلت طبعا .. قدام خبث عقل الستات الواحد بيتشل ههههههه .. انقذوني يا رجالة اعمل إيه ؟
حسن
فضفضة
محررة الصفحة .. نيفين حجازي
والله يا أستاذ حسن هوة اللي حاصلك ده عقاب ربنا ليك علشان شكلك كدة بتكرر الموضوع ده .. بعدين لما الستات عقلهم خبيث معملتش حساب الخبث ده ليه !!!؟
عموما معنديش حاجة أقولها غير ارحم نفسك وعيش حياتك بشكل صحيح علشان ربنا يبارك وماتنساش الله يخليك ان " ان كيدهن عظيم " ده غير انك مهما اخدت احتياطاتك فلازم تفهم حاجة ان الستات بالفطرة عندهم حاسة خاصة لاستشعار الأمور دي .. ده معناه انك رايح رايح هههههههه .. ربنا يهديك .
Fadfada@elfagr.org