فضيحة بجلاجل

نيفين حجازى
السلام عليكم جميعا
أنا اسمي مروان سني 17 سنة
مشكلتي ان سمعت والدتي بتتكلم مع راجل أنا مش عارف هوة مين لكن الكلام كله على انها بتتفق معاه على الجواز منه بعد ما تطلب الطلاق من ابويا ... أنا اتصدمت اول ما سمعت المكالمة وفضلت شهر وشوية مصدوم ومعاملتي مع امي بقت وحشة عشان سمعتها وهية بتخون ابويا .. أستاذة نيفين إحنا كمان في حي شعبي والفضيحة عندنا بتبقى بجلاجل ومش عارف اعمل ايه وانا ابنهم الوحيد ولية خالة واحدة عايشة مع جوزها برة مصر وعمامي مش كويسين مع ابويا اصلا ومش هقدر احكي لحد فيهم ومافيش غير جدتي ام امي اللي لسة عايشة هية ست كويسة لكن خايف احكيلها تتعب هية صحتها وحشة ومش هقدر اقول لابويا يعمل مصيبة ونتفضح محتار جدا وخايف .. أنا مش بسال نفسي ازاي امي تعمل كدة دلوقتي لكن كل اللي محتاجله احل المشكلة وأبقى افهم بعدين .... أنا مكتئب أوي من ساعة الموضوع ده وخايف أتصرف باي طريقة تيجي على دماغنا كلنا .. ياريت الحل وشكرا
مروان
فضفضة
محررة الصفحة .. نيفين حجازي
صديقي مروان .. في اعتقادي لا يوجد أمامك سوى اخبار جدتك و حاول ان تحكي لها الموضوع بشكل مبسط كي لا تصدم هي الاخرى وتنفعل لدرجة تمنعها من ايجاد الحل الملائم .. في كل الأحوال سيصعب عليك مواجهة موقف كهذا وحدك وارى ان تخبر جدتك وهي بخبرتها في الحياة ستجد الصيغة المناسبة للتحدث مع والدتك واجبارها أيضاً على التراجع عن موقفها المسئ .. أدعو لك صديقي الصغير بكل التوفيق وأنصحك بالدعاء لها مهما صدر منها فهي امك .. ولا تنسى ذكر الله كثيرا فبه تطمئن القلوب