أمير طعيمة يرد على فاطمة ناعوت: بلاش فتي فى الدين

أنتقد الشاعر الغنائى أمير طعيمة، التصريحات التى خرجت بها الكاتبة فاطمة ناعوت اليوم عبر صفحتها على موقع التواصل الاجتماعى ووصفها أضحية العيد بالمذبحة التى تتكرر بسبب كابوس سيدنا إبراهيم.
حيث كتب عبر صفحته الرسمية على موقع التواصل الاجتماعى فيس بوك قائلا :
فاطمة ناعوت:
1- اللحم اللي بيخرج من المذبحة ده فيه ناس بتستناه من العيد للعيد عشان ما بياكلوش لحمة الا في العيد.
2- كون حضرتك ما بتاكليش لحمة ده مش مبرر انك تحرمي ما أحل الله مش بس في الاسلام ده في كل الأديان السماوية.
3- الذبح مش بدعة فصل لربك و انحر ده غير الكثير من الأحاديث الصحيحة، و الذبح أحد مناسك الحج للمتمتع و كل ده جزء أصيل من الدين اللي حضرتك بتتبعيه.
4- ما اسموش كابوس دي رؤيا لنبي و رؤيا الأنبياء حق، و أحد الصالحين و ابنه الصالح اللي حضرتك عاملتيهم معاملة المجهول دول أبو الأنبياء سيدنا إبراهيم و إبنه سيدنا إسماعيل.
4- كون حضرتك هتكتفي بطبق سلطة و هتدي للفقير مال يشتري بيه اللحم .. سؤال بقي هو حضرتك عارفة ان اللحمة ناتجة عن ذبح لأحد الشاه و لا فاكرة ان فيه لحمة صوب و لا ايه بالظبط.
5- هو حضرتك لو ما بتاكليش لحمة لما بتعزمي حد و يكون في سفرتك اي من انواع اللحوم بيبقي بلاستيك و لا ناتج عن ذبح حتي لو ما كانش بأمر منك.
6- بصفة حضرتك مسلمة و أمل كل مسلم أداء فريضة الحج حضرتك هتعملي ايه لو حجيتي غير مفردة {جَعَلَ اللهُ الكَعْبَةَ البَيْتَ الحَرَامَ قِيَاماً لِّلنَّاسِ وَالشَّهْرَ الحَرَامَ وَالْهَدْيَ وَالْقَلائِدَ} الهدي ده اللي هو هيتدبح.
زي ما بنرفض هلاوس البعض في السياسة خاصة من رجال الدين، لازم نرفض هلاوس حضرتك في الدين، ممكن تمتنعي عن أكل اللحم براحتك و ما تدبحيش و تعملي كل اللي انتي عايزاه، بس ارجوكي بلاش فتي في أمر مصدق عليه في الكتاب و صحيح السنة.
عيد سعيد عليكي و ربنا يهديكي
كانت ناعوت قد أثارت العديد من اللغط بسبب تصريحاتها وتحريمها أشياء أحلها الله.
‎‎ منشور by Amir Teima .‎