هند سعيد صالح: "نفذت وصية أبى والفنانين أهلي"

طالبت هند نجلة الفنان الراحل سعيد صالح من كل جمهوره ومحبيه بالدعاء له بالرحمة والمغفرة بدلاً من أطلاق الشائعات والأخبار الكاذبة بان الفنانين تخلوا عن والدها ولم يحضروا جنازته من عدم.
كما أكدت هند أنها قررت تنفيذ وصية والدها و أسرعت بدفنه مع أسرتها في مسقط رأسه بمركز اشمون بمحافظة المنوفية قبل غروب الشمس.
وكتبت هند على صفحتها الشخصية عبر موقع التواصل الاجتماعى فيس بوك : طيب .. بعد اذنكم انا بطلب من كل اللى فكر و قرر ان الفنانين ماعندهومش اصل و عندهم جحود عشان محدش جه جنازة بابا بدل ما يشغل نفسه بده يشغل نفسه بالدعاء ليه .. افيد له لانه محتاج ده .. لحظة ما ‫سعيد_صالح توفى انا اللى قررت سرعة الدفن .. لان اكرام الميت دفنه .. و لان بابا كان موصى يدفن فى مسقط رأسه فى المنوفيه .
وتابعت كلامها : ولأن كان عندى سفر ساعتين عشان أوصل للمقابر .. و لأني كنت عايزة الحق نور ربنا .. و لأن حاجات كتير مش مضطرة اشرحها .. باختصار اولوياتى ادفن اب توفى .. مش فنان توفى .. طبعا انا عارفة ان مصر كلها حزينة عليه و ده على راسى .. بس ده مش سبب لاتهام حد بالجحود .. الفنانين دول اهلى نمرة 2 .. و محدش سابنى .. و على ما الناس عرفت كنت انا سافرت .
واختتمت كلامها : اهتمامي الأول و الأخير كان بسرعة دفنه و بدل ما كان 1000 واحد هيمشى فى جنازته فى القاهرة لقيت محافظة المنوفية كلها فى جنازته هناك .. و اللى هنا و اللى هناك عند ربنا واحد فى الأجر و الثواب .. فلو سمحتوا ادعوا له بس هو محتاج ده ولا حاجة غير ده .. و من فضلكم كمان مرة محتاجة احزن على ابويا فى سلام مش فى مهاترات لا هتودى ولا هتجيب لانه هو اصلا فى حتة تانية خالص العزاء ان شاء الله الثلاثاء فى مسجد عمر مكرم .
Post by Hind Saied Saleh .