بالفيديو.. "أديب" لصباحي: السيسي كان مُجبر يحيي مرسي ولو شايفه قاتل قُول لنا

شَن الإعلامي عمرو أديب، هجومًا حادًا على حمدين صباحي، المرشح لانتخابات رئاسة الجمهورية، بعد إهانته للجيش المصري، والمشير السيسي، على حد وصفه، حيث قال : جيش البلد لما يتشتم أو يُهان، أنت ميرضيكش الكلام ده يا سيادة المشير.. الجيش المصري ده محدش يكسر عينه، لأنه لو عينه اتكسرت مصر كلها عينها هتتكسر .
و أضاف أديب خلال برنامجه القاهرة اليوم على قناة اليوم ، مساء السبت : مش حمدين صباحي اللى عمل جبهة الإنقاذ، دي اتكونت من 26 حركة ، و تسائل : مين كان له دور أكبر في إسقاط مرسي، حمدين صباحي ولا محمود بدر و تمرد .
وتابع : لما كان السيسي بيدى التحية لمرسي، كان رئيس مصر المُنتخب وقتها، فكان مُجبرًا، لكن أنت يا حمدين مكنتش مُجبر تروح تقعد معاه .
وأضاف : عبد الفتاح السيسي وقائد الحرس الجمهوري اتطلب منهم 4 مرات يفضوا اللي قدام الاتحادية ومفضوهاش، و أنت حضرتك علشان اتمنعت من مقابلة (إنترفيو)، هو ده النضال؟! .
كما طالب أديب حملة السيسي بإصدار بيان ترد فيه على إهانة مرشحها والقوات المسلحة، و تسائل : مين اللي كان نايم 3 شهور في الشارع معانا وقت حظر التجول، الجيش ده كان ممكن بعد 30 يونيه يقول خلاص يا شعب إنت خلاص حكمت أنا راجع الثكنات بتاعتي، و يسيبونا للكلاب الضالة اللي كانت في الشارع .
و تسائل : إزاي فيه مُرشح يقبل على نفسه يتقال عليه كلام زي ده وميردش، حمدين بيضرب رصاص وبيشتغل سياسة، بيقول أنا وقفت قدام الإخوان لوحدي، يعنى إحنا كنا بنسلق بصل؟! .
و تابع : لو شايف يا حمدين إن السيسي قاتل أو خاين قولنا من دلوقتي، ده إحنا هنجيبه رئيس جمهورية، إذا كان السيسي هيسكت إحنا مش هنسكت .