بقيت راجل بركة ؟

مساؤوو فل يا بشر , انا معاد فرحي قرب وخايف جدا جدا من الدخول في حياة جديدة ومختلفة علية بس الصراحة خايف اكتر من اللقاء الأول لأني مش بطبعي متعدد العلاقات ومرعوب من الفكرة دي لدرجة عملتلي توتر مش عادي وبقيت اتحجج عشان أأجل معاد الفرح بأي طريقة وفي نفس الوقت مش ممكن هنجح اني أأجله على طول
وخطيبتي ابتدت تقلق مني وتضايق من الكلام ده خصوصا اني مش بقدملها حجج منطقية وخايف كمان حتى لو عديت المرحلة دي من مواجهة الأمر الواقع وبالرغم من اني مع خطيبتي طبيعي وبنتكلم في كل حاجة لكن للأسف حاجز الخوف لسة واقف عنده وهموت من الرعب ان يحصل معايا اللي بسمع عليه من اصحابي , ولاد اللذينة اصحابي ممنهمش فايدة عملين طبعا يضحكوا علية وخلاص مقتنعين اني راجل بركة ههههههه لكن املي فيكو كبير بعد ربنا , ياريت إخواتي اصدقاء فضفضة الرجالة يدلوني على الحل يمكن الحق نفسي لو في خطوة المفروض اني اقوم بيها , وشكرا للجميع ومساؤكم زي الفل .
سيكو