خاص ..عضو فريق أبوالفتوح ينفى تأييده لحمدين ...ويؤكد : أحترم صباحي

نفى عضو فريق الدكتور عبدالمنعم أبوالفتوح "أحمد ناجى الملا" فى إتصال خاص للفجر ماتردد فى بعض المواقع حول دعمه لحمدين صباحى على حساب أبوالفتوح ، مؤكدا أنه كان يقصد أن يتنازل أحد المرشحين للأخر من أجل الإتحاد الثورى فى مواجهة الفلول.
وأضاف ناجى فى تصريحات سابقة "ارى ان يتحد ابو الفتوح مع صباحي و يتحد صباحي مع ابو الفتوح لأن هناك بينهم الكثير من العوامل المشتركة اهمها انهم مختلفون و يؤيدهم " الكتلة الثورية " او يتنازل احدهم للاخر من أجل ضمان نجاح ثورة 25 يناير بنسبة 100 % . ".
وأشار الى أنه "مفيش وقت للأسف و الاصوات اللى رايحة لحمدين او أبو الفتوح كلهم من الثورة و مؤيدنها و طول ما احنا بنفتت أصواتنا بين الاتنين دول بالذات فالثورة في طريقها للموت بفوز عمرو موسى
وأوضح ناجى "اؤيد د.عبد المنعم ابو الفتوح و سأعطية صوتي و احترم حمدين صباحي و كل مؤيدينة و الموضوع بعيد تمام البعد عن نسب الاستفتاءات الموضوع موضوع شارع بيتكلم و بيقول لو ابو الفتوح نجح حبقى مبسوط و لو حمدين نجح حبقى مبسوط و لو جمعتوا مجموع اصوات الاتنين دول بالزات حتلاقوها اكبر من اصوات عمرو موسى و اللى حاصل على تأييد معظم صعيد مصر و المجتمع المسيحي" .
وأكد "طبعا فية ناس فهمت غلط فى اخر بيان ليا و فاكراني سحبت تأييدي من د.عبد المنعم ابو الفتوح لكن للأسف الناس دي هي نفسها اللى حتفتكر كلامي لو استمر الوضع على ما هو علية فى تفتيت الاصوات بين ابو الفتوح و حمدين و بالتالي نجاح موسى ، و عشان كدة قلت مش مهم مين يكسب المهم واحد فيهم يتنازل للتاني و لإثبات ان الهدف مش منصب و الهدف حماية الثورة يبقى يتنازل اللى خايف اكتر على مصر للتاني و ننسى المناصب شوية و نفكر فى الاصوات المفتتة ما بينا و على فكرة انسوا استفاءات النت و انزلوا الشارع حتلاقوا الموضوع مختلف تماما عن الفيسبوك ".
"ياريت تفهموا كويس ان طول ما الاصوات مفتتة بين ابو الفتوح و حمدين دة ملوش غير اجابة واحدة بس ان ولا دة و لا دة حيدخلوا إعادة و حتكون النتيجة فوز موسى و بكرة تفتكروا كلامي"
وأشار الى أن أبوالفتوح قد أعلن مررا عن نيته للتنازل لصالح حمدين صباحى ، من أجل التوحد الثورى، والجدير بالذكر أن بعض المواقع قد نشرت خبر أن ناجى الذى يعتبر ضمن فريق الدكتور ابوالفتوح قد إنشق عنه وأعلن عن دعمه لحمدين صباحى.