اختبار القدرات فى كليه الشرطه " بالتفصيل "

بسم الله والصلاه والسلام على رسول الله

** **
(( أولاً )) .. الورق الى بتحتاجه وانت رايح تحدد ميعاد القدرات
** **
ياشباب عاوز اعرفكوا ان اختبار القدرات دا هوا تانى اختبار لك من اختباراتك فى كليه الشرطه .. بعد أول اختبار ( المقاس والقوام ) وبعد مانتيجته بتظهر بتروح فى اى يوم لكليه الشرطه علشان تملى ورقتين طلب الالتحاق وتحدد الميعاد الى هاتروح تختبر فيه القدرات

وفى اليوم دا بتحتاج كالتالى :
1 : - الأول طبعاً بطاقتك الشخصيه , بطاقه التردد التابعه للكليه:
( ودول دايماً فى جيبك علشان بتدخل بيهم الكليه ) .

2 : - ورقتين طلب الالتحاق:
( ودول ورقتين موجودين معاك فى الملف الى انت اشتريته , دور فى الملف بتاعك هتلاقيهم الى مكتوب عليهم طلب الالتحاق , ومطلوب منك فيهم بيانات عنك وعن أهلك أبوك وأمك وأخواتك , والورقه التانيه بيانات عن أعمامك وخيلانك , وجدك من الأب وجدك من الأم
" واى اسم مطلوب منك فى الورقتين دول تكتبه اسم رباعى
الوظيفه او العمل تكتبها تفصيليا "
وتملاهم وانت فى البيت قبل ماتروح تحدد القدرات ولو حاجه واقفه عليك فيهم سيبها زى ماهى لما تروح هناك تبقى تسأل الظابط هايقولك بالظبط تعمل ايه فيها ) .
3 : - 3 صور شخصيه لك :
( ودى زى الصور الى اخدتها معاك المره الأولى وقت اختبار القوام , هاتحتاج منهم صورتين بس هاتحط واحده فى ورقه طلب الالتحاق والتانيه فى بطاقه اختبار الالقدرات والى هايسلمهوها لك هناك ) .

4 : - شهاده الثانويه العامه بتاعتك أو بيان النجاح :
( ودى مش هايدبسوها ولا حاجه , بس هايحتاج يشوفها علشان يقولك اثبتلى انك فى ثانويه عامه وان البيانات الى كاتبها عن درجاتك صح , وبيرخموا لو انت ناسيها هايرجعك المشوار تانى ويقولك ارجع هاتها وابقى تعالا تانى , وعادى الصوره أو الأصل ) .

5 : - شهادات أو ما يثبت مؤهل والدك ووالدتك :
( بردو كاثبات ومش هايدبس حاجه منهم لكن هايقولك وريهم لى علشان يتأكد من مؤهل الوالد او الوالده الى كاتبتهم فى ورقه طلب الالتحاق , ولو مافيش مؤهلات عادى مش هايطلب منك حاجه , بس لو كاتب مؤهل لأبوك او امك ومش جايب شهاده تثبته ممكن بردو يرجعك المشورا ويقولك ماتجليش الا بيهم , وبردو عادى الصوره أو الأصل ) .

6 : - لو انت مقيد فى كليه ( أولى كليه ) هايطلب منك اثبات قيد فيها لكن مش اشكال اثبات القيد خد معاك الكارنيه بتاع كليتك لما يقولك قله مش معايا دلوقت اثبات القيد بس معايا كارنيه الكليه , وعادى هايشوفه بردو بس كاثبات ) .

7 : - رقم ملفك يكون معاك , ورقمك القومى , والرقم القومى لوالدك ووالدتك , لو لسه هاتكمل بياناتك فى ورقتين الطلب هناك علشان هاتحتاجهم فيه .

** **
(( ثانياً )) .. الى هاتعمله فى الكليه لما تروح تحدد ميعاد القدرات
** **
تمام لما تجهز ورقك بعد مانتيجت اختبار المقاس والقوام لك ظهرت لائق .. تروح بقى ع كليه الشرطه , وتروح ع طول على لجنتك
وتقولهم انك عاوز تحدد ميعاد للقدرات , هاتقف صف مع زمايلك , وهايخدوا منكوا كارت التردد علشان يعمل تحريات جوا ع الكمبيوتر ويحددلك ميعادك

* وهايوزعوا عليكوا ورقه طلب القدرات وهايقولك املاها
بيكون مطلوب فيها بيانات عنك زى اسمك ورقمك القومى وتاريخ وجهه ظهور البطاقه بتاعتك ورقم ملفك ونوع الثانويه بتاعتك وتاريخ ميلادك
ومجموع درجاتك فى الثانويه ونسبتك فى الثانويه ورقم لجنتك , وهاتحط صوره من الصورتين الى مطلوبين منك ف اليوم دا فى الورق دى , والصوره التانيه فى ورقه طلب الالتحاق ...

* تمام بقى لما تملى بياناتك فى طلب اختبار القدرات وتكون مليت بياناتك فى ورقتين طلب الالتحاق , وتدبس الصوتين بتوعك واحده فى كارت اختبار القدرات الى وزعوه عليكوا , والتانيه فى ورقه طلب الالتحاق وتدبس ال 3 ورقات " 2 بتوع طلب الالحاق وكارت القدرات " تدبسهم مع بعض
( واى حاجه واقفه عليك فى ملئهم أو مش متأكد منها .. سيبها لما تدخل لجنتك تسأل فيها الظابط تعمل فيها ايه بالظبط )

* بعدين هاتدخلوا انت والمجموعه الى معاك للجنتك تقعدوا ع الكراسى وتستنوا ينادى الظابط ع واحد واحد بكارت التردد الى هوا اخده منكم برا , تروحله بال3 ورقات الى دبستهم وتطلع فى ايدك شهاده الثانويه بتاعتك و شهادات مؤهل الأب والأم زى ماكتبتهم فى الورق , والكارنيه بتاع كليتك احتياطى لو انت ف أولى كليه

* هايراجع معاك الظابط البيانات الى انت كابتها , وهايعملك علامات صح وكدا , وبعدين يقولك تمام يديك كارت التردد بتاعك ويقولك سلم الورق الى دبسته دا لطالب ف الشرطه قاعد وراكوا , ويقولك تروح وتيجى بكره تختبر القدرات .

* بس ياسيدى بعد ماتسلم الورق دا لطالب الشرطه تروح , وتانى يوم تروح كليه الشرطه علشان تختبر القدرات بتاعتك .

** **
(( ثالثاً )) .. الى انت هاتعمله يوم ماتروح تختبر القدرات
** **
ياباشا هاتروح عادى الكليه زى المرتين الى قبل كدا الكليه بتفتح حوالى 7 الصبح , على ماتدخلوا ويجمعوا شيويه منكوا الى داخلين تختبروا , تدخل من البوابه , وتروح ع طول ع المكان الى فيه المدرج الى أشتريت منه ملف الشرطه فى أول يوم لك فيها
وتدخل مدرج تانى على اليمين جنب المدرج الى انت دخلته أول مره

وهايقعدوك مع لجنتك
كل لجنه مع بعضها
وهاتستنوا شيويه على ما يتجمع عدد كدا من الشباب الى رايح يختبر
بعدين هايجيبوا الورق بتاعك الى انت كنت سلمته امبارح , وهاينادوا اسمك , بعدين هايسلموكوا ورق الأسئله بتاع اختبار القدرات ...

** **
((رابعاً )) .. أسئله اختبار القدرات فى كليه الشرطه باجابتها للسنه دى 2013 والى هاتدخل تلاقيها ان شاء الله
** **
طبعاً الجزء المنتظر :D
زى أسئله السمات والى نزلتها الحمد لله من زمان قبل ما الناس تروح تختبر , وبردو أسئله القدرات ومع انى نزلتها قبل كدا من زمان وبعد أول يوم اختبارات فى الشرطه علشان الكل لما يروح يحل ع طول بس كالعاده محدش بيدور ع الصفحه , مافيش اشكال وعلشان كدا بعيد البوست دا تانى علشان اعمله تجميعى للقدرات بأسئلته واجابته
بص الأول ياسيدى الاختبار دا عباره عن نماذج حوالى 3 نماذج حتى الآن
والنموذج بيكون عباره عن ورقه وش وظهر
فيها 50 سؤال حوالى 35 سؤال اختيارى , والباقى أسئله صح وغلط
والأسئله أسئله عامه زى بتاعت سمات الحربيه
هنا ان شاء الله انا جايبلك أسئله 3 نماذج باجابتها الصحيحه للسنه دى 2013 والى هاتدخل تلاقيها قدامك ان شاء الله
وجايبلك صوره من ورقه الاختبار نفسه والى ممكن لما تروح تلاقيها هى الى ف ايدك :)
والف شكر للرجاله الى بتساعد بعضها ع الصفحه , كانت بتدخل الاختبار الى يعرف يصور الاختبار بيصوره بالموبايل وينزله ع الصفحه او الجروب والى بيعرف يجيب اسئله من الاختبار الى بياخده بينزلها بردو
وياريت الكل يكون كدا ونفضل نساعد بعض فى المرحله دى
ندخل بقى دلوقت ع أسئله اختبار القدرات باجابتها للسنه دى 2013
* 1 : أسئله اختبار القدرات فى كليه الشرطه النموذج " أ "
من الآخر بقى أول ماتلاقى قدامك نموذج " أ " تعرف انك هتلاقى الأسئله الى جايه دى والاجابه الى هاحطهالك هى الصحيحه ان شاء الله
1 :- ما هو اسم الدوله التى تتكون من فئات التجار وأصحاب الأعمال ؟
( الرأسماليه )
2 :- ما هو عدد الأقسام الرئيسيه لأكاديميه الشرطه ؟
( 9 )
3 :- أين يقع متحف اللوفر ؟
( فرنسا )
4 :- ما هى الدوله التى تشارك مصر فى حدودها الغربيه ؟
( ليبيا )
5 :- من هو أول وزير داخليه بعد ثوره 23 يوليو ؟
( جمال عبد الناصر )
6 :- فى أى سنه حصل الرئيس الفلسطينى الراحل ياسر عرفات على جائزه نوبل للسلام ؟
( 1994 )
7 :- أى من الجهات الآتيه تنتمى لكيان أكاديميه الشرطه ؟
( مركز بحوث الشرطه )
8 :- ما هى الدوله التى تستهلك نصف انتاج العالم من الطاقه ؟
( أمريكا )
9 :- من فرض نظام التجنيد الاجبارى ؟
( الحجاج بن يوسف الثقفى )
10 :- ما هو اختراع العالم تورشيلى ؟
( البارومتر )
11 :- تعليقاً على ثوره 25 يناير قيلت عبارات كثيره .. فمن قائل : لا جديد فى مصر فلقد صنع المصريون التاريخ كالعاده ؟
( سيلفيو برلسكوني ) دا رئيس وزراء ايطاليا
12 :- ما هى الماده التى كتب بها شريعه حمورابى ؟
( البرونز )
13 :- اين يقع نهر عطبره ؟
( أثيوبيا ) هوا المفروض ف السودان لكن فيه جزء منه ف اثيوبيا ومافيش غير اثوبيا هى الصح ف الاختيارات
14 :- فى اى عام تم تغير اسم الجمهوريه العربيه المتحده الى جمهوريه مصر العربيه ؟
( 1971 )
15 :- متى أنشألت أكاديميه الشرطه ؟
( 1975 )
16 :- ما هى عاصمه الفلبين ؟
( مانيلا )
17 :- كم يبلغ طول قناه السويس ؟
( 180 كم ) تقريباً
18:- فى اى عام تأسس حلف شمال الأطلسى ؟
( 1994 )
19 :-بشنش هو أحد الشهور ؟
( القبطيه ) مش متأكد منها
20 :- ماهى الدوله التى يوجد على أضرها أكبر فروق توقيت ؟
( روسيا )
21 :- أين يقع نهر العاصى ؟
( سوريا )
22 :- ما هى عاصمه الدينمارك ؟
( كوبنهاجن )
23 :- ما هى الدوله الغير عربيه التى تطل ع البحر الأحمر ؟
( اريتريا )
24 :- ما هى أكبر بحيره عذبه فى افريقيا ؟
( فكتوريا )
25 :- البحر الذى كان يسمى قديما ببحر الروم ؟
( البحر الأبيض المتوسط )
26:- من هو المهندس الفرنسى الذى أشرف على حفر قناه السويس ؟
( ديليسيبس ) الخاين ابنالخاينه :D
27 :- ما هى البحيره التى توجد فى شمال سيناء ؟
( البردويل )
28 :- من هو مخترع شخصيه توم وجيرى ؟
( وليام هانا ) الاختيار الأول :)
29 :- ماذا يطلق على صوت الحمام ؟
( هديل )
30 :- من لقب بداهيه العرب ؟
( عمرو بن العاص ) رضى الله عنه وعن صحابه رسول الله صل الله عليه وسلم :)
31 :- من هو مكتشف آشعه اكس ؟
( روتنجن )
32 :- ما هى اشهر دوله حول العالم فى زراعه الزيتون ؟
( فلسطين الحبيبه ) وان شاء الله يارجاله باذن واحد أحد تتحرر على ايدينا قولوا ان شاء الله هانحرر الأقصى
33 :- اين يقع خط مدار الجدى ؟
( جنوب خط الاستواء )
** ولحد هنا بقى يارجاله تقريبا خلصت الأسئله الاختيارى فى النموذج " أ " والباقى صح وغلط بردو أجيبلكم بعضها
35 :- ألمانيا هى احدى الدول الأعضاء الدائمين بمجلس الأمن . ( صح )
36 :- روسيا هى أول دوله أطلقت قمر صناعى الى الفضاء ( خطأ )
37 :- انشأ صندوق النقد الدولى عام 1942 ( خطأ ) كان 45
38 :- أكبر جامعه فى العالم جامعه كاليفورنيا ( خطأ ) هى جامعه هارفارد تقريبا
39 :- يقع مركز حلف شمال الأطلسى فى لندن ( خطأ ) فى بروكسل
40 :- الاعلان الدستورى الصادر عام 2011 يشترط فيمن ينتخب رئيس للجمهوريه أن يكون مصريا من أبوين مصريين , وأن يكون متمتعا بحقوقه المدنيه والسياسيه , وألا يكون متزوجا من غير مصريه , وألا يقل عمره عن 40 عام ( صح )
41 :- غالبيا يتهدف الحديث عن حقوق الانسان تحقيق أهداف سياسيه ( صح )
42 :- احراز التقدم فى حقوق الانسان يكون تدريجا ولا يتصور حدوثه بين ليله وضحاها ( صح )
43 :- أعضاء البرلمان فى مصر لهم وظيفتين تشريعيه وتنفيذيه ( خطأ ) على ما أعتقد :)
44 :- تم افتتاح منظمه الأمم المتحده عام 1945 ( )
45 :- شعار الشرطه الحالى هو " الشرطه فى خدمه الشعب " ( خطأ ) هوا كان فى السابق الشرطه فى خدمه القانون , دلوقت تقريبا بقى الشرشطه والشعب فى خدمه الوطن
46 :- يؤمن أعضاء هيئه الشرطه بأن القانون هو مصدر السلطات ( صح )
والتلاته الأخار صح صح غلط :D
ودى صور نموذج رقم " أ " فى امتحان القدرات لكليه الشرطه السنه دى 2013
دى وش النموذج
http://goo.gl/jRbPkE
http://goo.gl/jRbPkE
ودا ظهر النموذج
http://goo.gl/4At35D
http://goo.gl/4At35D
* 2 : أسئله اختبار القدرات فى كليه الشرطه النموذج " ب "
النموذج دا مش جايب فيه كل الأسئله بتاعته , ومش حاطتها بالترتيب , لكن دى معظم أسئلته
* من هو رسام لوحة الموناليزا؟
( دافنشى )
* الطائر الذي يلد ولايبيض؟
( الخفاش )
* أصل كلمة خديوي؟
( فارسى )
* أبعد كوكب عن الشمس؟
( بلوتو )
* اين يوجد متحف الشرطة؟
( صلاح الدين بالقاهره )
* في اي سنة تم اكتشاف المصباح الكهربائي؟
( 1809 ) على يد توماس اديسون علشان بردو ليها سؤال
* كبر استاد كرة قدم في العالم؟
( البرازيل )
* من مكتشف الهند؟
( فاسكو ديغاما )
* من مكتشف جدول الضرب؟
( فيثاغورس )
* كم يبلغ قطر الأمعاء الغليظة في الأنسان؟
( 2.5 سم ) تقريبا
* ماهو اسم سيناءالقديم؟
( أرض القمر ) لأن اهلها قديما كانوا بيعبدوا القمر
* ين يقع نهر ابردي ؟
( سوريا )
* دولة كانت تسمى افريقيا في الماضي ؟
( تونس )
* اين يقع المقر الرئيسي لمنظمة الاوبك ؟
( فيينا )
* الدولة التي لاتنكس علمها في الحداد ؟
( السعوديه ) علشان عباره لا اله الا الله محمد رسول الله الى ع العلم
* متى اسست منظمة الطاقة الذرية ؟
( 1957 )
* عاصمة العراق ؟
( بغداااااد ) والله الواحد زعلان ع العواصم العربيه :(
* معدن ينتج عند خلط القصدير مع النحاس ؟
( البرونز )
* اعرض نهر في العالم ؟
( الأمازون )
* من قائل (العدل جنة المظلوم وجحيم الظالم) ؟
( عمر ابن الخطاب ) أمير المؤمنين رضى الله عنه وارضاه
* وحدة قياس الصوت ؟
( الديسيبل )
* جريدة انشأت في عهد محمد علي باشا ؟
( الوقائع المصريه ) وهى أول جريه أنشأت فى مصر , وفيه سؤال تانى عن أول مجله ودى غير الجريده , المجله هى روز اليوسف
* متى تم تاسيس جريدة الاهرام ؟
( 1875 )
* ما هو نظام الحكم فى دوله ايطاليا ؟
( برلمانى )
* من قائل شعب مصر اعظم شعوب الارض ويستحق جائزه نوبل للسلام ؟
( هاينز فيشر ) رئيس النمسا
.... تمام دى معظم الأسئله الى ف نموذج 2
وباقى الأسئله صح وغلط معظمها صح , وبردو هحاول اجيبهالكوا كلها كمان
ودى صوره من نموذج " ب " فى اختبار القدرات لكليه الشرطه السنه دى 2013
http://goo.gl/wAzZ3t
http://goo.gl/wAzZ3t
* 3 : أسئله اختبار القدرات فى كليه الشرطه النموذج " ج "
دى كل أسئله نموذج " ج " باجابتها
1 :- من هما الثقلان ؟
( الانس والجن )
2 :- من هو الفيلسوف الأول ؟
( أرسطو )
3 :- اسم الطير آكل النحل ؟
( الوروار )
4 :-من مخترع خيوط الجراحه ؟
( أبو بكر الرازى ) رحمه الله
5 :- من مخترع قياس قوه الزلزال ؟
( ريختر )
6 :- اين توجد قناه استاكيوس ؟
( الأذن )
7 :- من هو الفيلسوف الهندي الذي وضع قصص كليلة ودمنة ؟
( بيدبا ) هندى :)
8 :- ما هى اعلى قمه جبل فى العالم ؟
( ايفرست ) وهى من ضمن جبال الهيمالايا
9 :- كم عدد الاعضاء الدائمين فى مجلس الأمن ؟
( 5 دول ) هما الولايات المتحدة الامريكية الاتحاد السوفيتى بريطانيا فلانسا الصين الشعبية
10 :- ماذا يطلق على الجماعه من ثلاثه الى عشره ؟
( رهط )
11 :- من اول اولاد آدم عليه السلام ؟
( قابيل )
12 :- ما هو عدد اللترات من الدماء التى يحتاجها الدماغ البشرى لكى يعمل ؟
( 1000 لتر )
13 :- ما هو ثانى اكبر بحر فى العالم ؟
( البحر الكاريبى )
14 :- ما هى القاره التى لا تطل على المحيط الأطلسى ؟
( آسيا )
15 :- ما هو اسم المضيق الذى يصل بين البحر الأحمر وخليج عدن ؟
( باب المندب )
16 :- ما هى اقدم عاصمة فى التاريخ ؟
( دمشق )
17 :- ما هى عاصمه المملكه العربيه السعوديه ؟
( الرياض )
18 :- من الخديوي الذي امر بحفر قناة السويس ؟
( سعيد )
19 :- ما هى أكبر جزيرة فى البحر الأبيض المتوسط ؟
( صقليه )

20 :- ما هو عدد الجزر التى تتكون منها الفلبين ؟
( 7100 )
21 :- ما هو النهر الملقب بنهر العواصم ؟
( الدانوب )
22 :- اين يصب نهر الأمازون ؟
( المحيط الأطلسى )
23 :- ما هو أغلى المعادن الآتيه ؟
( الراديوم )
24 :- ما هى المدينه التى يطلق عليها اسم مدينه النور ؟
( باغيس ) :D
25 :- على اى شخص يطلق لقب المخضرم ?
( من ادرك الجاهليه والاسلام )
26 :- ماهي وحدة قياس التيار الكهربائي ؟
( الأمبير )
27 :- ما هو عدد أيام شهر شباط/فبراير في السنة الكبيسة؟
( 28 )
28 :- من هو مكتشف امريكا ؟
( كريستوفر كولومبوس )
29 :- من هو مخترع المصباح الكهربى ؟
( أديسون )
30 :- من قائل اتطلع الى زياره مصر والحديث مع الذين قاموا بالثوره ؟
( فستر فيله ) وزير الخارجية الألمانى
31 :- ين يقع برج ايفيل ؟
( فرنسا )
32 :- كم تبعد الشمس عن الارض ؟
( 150 مليون كم ) تقريبا @ً
33 :- كم عدد الجزر الرئيسية في جزر القمر ؟
( 4 )
34 :- في أي الدول العربية يوجد نهر الأعوج والديراني؟
( سوريا ) وأغلبيه الأسئله عن الانهار كانت فى سوريا
35 :- فى اى عام افتتحت قناه السويس ؟
( 1869 ) هى افتتحت مرتين لكن الأولى والى موجوده فى الاختيارات الصح 17 نوفمبر 1869 م
الباقى فى النموذج دا أسئله صح وغلط
روز اليوسف اول من أسست مجله فى مصر صح
يقع نهر التايمز فى فرنسا خطأ لندن
الخفاش هو الطائر الوحيد الذى يستطيع الطيران للخلف خطأ الطائر الطنان
تركيا احدى دول حلف الناتو صح
مقر محكمه العدل الدوله هى نيويورك خطأ فى هولندا
شعار الشرطه السابق , الشرطه والشعب فى خدمه القانون
والباقى موجود فى الصور لنموذج أسئله القدرات النموذج " ج"
ودى صور نموذج " ج " فى أسئله اختبار القدرات لكليه الشرطه السنه دى 2013
وش ورقه النموذج
http://goo.gl/uFSlww
http://goo.gl/uFSlww
وظهر ورقه النموذج
http://goo.gl/VRYjri
http://goo.gl/VRYjri
* 4 : أسئله اختبار القدرات فى كليه الشرطه النموذج " د "
انا جمعت مجموعه من الأسئله الى فيه من الشباب ع الصفحه , بس على ما اجمع الباقى ومعايا كام صوره للنموذج
واجمعلها اجابات واعدلها ان شاء الله
س1 : كم عدد عظام الانسان ؟
س2 : ماذا تسمي مدينه الضباب ؟
س3 : ما هو الكائن الوحيد الذي ينام علي ظهره ؟
س4 : ما اسم البرج المائل الذي يعد من عجائب الدنيا السبع ؟
س5 : عاصمه السويد ؟
س6 : عاصمه الامارات ؟
س7 : ما هو الاسم الذي يطلق علي صفار البيض ؟
س8 : ما الاسم الذي يطلق علي العشرين عاما ؟
س9 : ما اسم الساعه الشهيره الموجوده في لندن ؟
س10 : ما اسم المضيق الموجود بين البحر المتوسط والمحيط الاطلسي ؟
س11 : في هذه الاختيارات هو من قال جمله شهيره عن ثوره 25 يناير ؟
س12 : ما الحيوان الذي يلقب بسفينه الصحراء ؟
س13 : ما هو اول نبي استخدم الحصان في المعارك ؟
س14 : كم عدد الدول العربيه التي لا تطل علي البحر ؟
س15 : ما اسم عمله الكويت ؟
س16 : اين يقع برج ايفل ؟
س17 : كم تبعد الشمس عن الارض ؟
س18 : ما هو اكبر الكواكب ؟
س19 : ماهي المدينه التي يطلق عليها مدينه النور ؟
س20 : من هو مكتشف امريكا ؟
** **
(( خامسا )) .. بعد ماتخلص اختبار القدرات
** **
بعد ماتخلص بقى ياسيدى اختبار القدرات تروح ع طول
وتستنى النتيجه تظهر ع النت ع موقع كليه الشرطه الى انت سجلت من عليه من هنا
بتدخل عليه وتسجل دخولك برقمك القومى ورقم ملفك
والنتيجه هتاخد فى الغالب من يوم بعد ماتختبر ل 3 ايام علشان ماتقلقش
والمفروض لما تظهر ان شاء الله وباذن الله تكون لائق بيطلعلك ميعاد اختبار الطبى الى هاتروحه
وممكن عادى بتحصل يطلعلك نتيجه القدرات ومايكونش كاتب حاجه عن ميعاد الطبى
ودا بتحصل علشان الموقع ساعات بيهنج , تسيبه عادى وتبقى تشوفه ف وقت تانى هاتظهر
ويظهرلك الميعاد بتاع الطبى بتاعك , وتجهز نفسك بقى للطبى ان شاء الله بعد نجاحك فى القدرات
بس كام ملحوظه كدا
الأول لما نزلت قبل كدا أسئله السمات لقيت شيويه بيقولولى حرام عليك انت بتعمل غلط علشان انت كدا بتغشش الناس , سيبهم يدخلوا الامتحان لوحدهم ويحلوه من دماغهم ؟؟؟
وعموما أنا مش هارد عليهم , كفايه تأكيدى انى نزلت أسئله القدرات كمان ع الصفحه باجابتها , وهاسيب الرد ليكم , انا ينفع الى بعمله انى بنزل أسئله القدرات والسمات بحلها , ولا مش ينفع
والأسئله دى أنا نزلتها قبل كدا من فتره ع الصفحه لكن كانت كل نموذج لوحده , والناس مش بتدور وسألونى تانى عليها ويقولولى والله بندور ومش بنلاقيها , لكن بردو مش مهم قلت انزلها تانى فى موضوع كامل علشان افاده تحصل للشباب الى لسه هايختبر القدرات وطالما فى افاده انا مش هتأخر اعمل اى حاجه:)
الأسئله دى حاول تحفظها بقدر الامكان كلها , علشان ان شاء الله 95 % منها هاتدخل تلاقيها قدامك , فبلاش توقعات بقى واحفظها كلها علشان لما حظك يجى ع نموذج تبقى ضامنه ان شاء الله
وانت بتحفظها ماتحطهاش مذاكره
حطها عى انها معلومات عامه انت بتقراها وهاتستفيد منها علشان تقدر تحفظها ع طول
ولو عاوز تطبعها عندك اطبعها فى ورقه وخدها معاك وانت رايح
بس اياك تتقفش بيها:D
وأعتقد بقى انى وفيت بوعدى وزى مانزلت قبل كدا نموذجين أسئله السمات فى الحربيه كاملين باجابتهم والى الناس راحوا لقوها قدامهم , نزلت بردو أسئله نماذج قدرات الشرطه باجابتها والى هاتروح تلاقيها قدامك
وع فكره مافيش حد غيرنا ع النت نزل الأسئله دى كله كان بياخدها مننا كوبى
ولو سمحتوا بقى يارجاله ماتنقلش حاجه من البوست دا الا وتذكر المصدر
او شير له فى المكان الى انت حابب تنقله
وياريت بقى توصلها لأكبر عدد من الشباب الى هايروح يختبر القدرات علشان افاده أكبر
وأى جديد ان شاء الله احنا مع بعض واى حد عنده اى حاجه يقدر يفيد بيها غيره مايترددش
وربنا معانا كلنا يارجاله والى يستحقها ينولها ان شاء الله