10 جمل تلخص حال طلاب الثانوية العامة علي "تويتر"..طلع القرآن وأدعى بسرعة

سادت حالة من الحزن، والقلق، المصحوب بنوع من السخرية علي هاشتاج الثانوية العامة علي "تويتر"، علي خلفية تأخر إعلان النتيجة.

حيث غرد الطلاب المنتظرين للنتيجة: ياتري شكل أبوك بعد النتيجة ، وأضاف أخر - ايه كل الاعتكافات اللى فى المساجد دى احنا فى نص رمضان لسه ؟ ولا بشائر نتيجة الثانوية العامة.

وتابع أخر: شكلى هكمل رمضان على موائد الرحمن بعد ما أشوف النتجية، مضيفة أخري: واللى ذاكر ذاكر خلاص هتفيد بأيه يا ندم يا ندم.

وتابع الطلاب ساخرين: يا جدعان قوموا صلوا و استهدوا بالله كده و ان شاء الله خير لا تقلقوا ولو مسيحيين مش عارف والله بتعملوا ايه بس برضو خير، مشيرًا أخر لو جبت مجموع هندسة متفرحش.. امك يابني ولا يابنتي داعية عليكوا.. ده كمين ياخونّا عليا الطلاق كمين ، وطالب أخر: متقوم تطمن على نتيجتك، أو طلع القرآن وأدعي بسرعة.

وأشارت إحدي الطالبات: يارب انا لا عاوزه اطلع من الاوائل الجمهورية ولا اقفل كله انا كل الي عاوزه اشوف فرحة عين امي بيا و اخش جامعه انا حبا مجالها بس، مختتمًا أخر: يعني لو النتيجة طلعت حلوة الحمدلله طلعت وحشة الحمدلله برده، في كلتا الحالتين لازم هنرضي.