بخيل جلدة

شكرا على باب فضفضة , الأول كنت بكلم نفسي لكن دلوقتي ممكن ألاقي حد يشاركني حتى لو برد مش عاجبني
.. انا عندي 37 سنة زوجة لراجل بخيل حتى جدا , بخيل حتى على نفسه والأولاد , الأول كنت شاكه في موضوع البخل وكنت ببرر لنفسي وله عشان مش قادرة أتخيل إن في حد كدة لكن مع الوقت لقيت إنها صفة لايمكن تحملها ده حتى ديننا مقالش كدة .. المهم المشكلة دلوقتي مش بخله بس لكن إني فكرت في الطلاق فعلا بس في نفس الوقت خايفة على نفسية أولادي وعايزاهم يعيشو كويس بس برجع وأقول ماهوة بخيل حتى في طباعه يبقى في كل الأحوال أولادي مش هيستفيدو منه بحاجة لما يتم الطلاق , انا أهلي شبه بيصرفو علية حتى الأكل والدتي بتجبهولي دايما بحجة إنها لازم تدخل وفي ايدها حاجة بس انا عارفة إني صعبانة عليها لكن مش بتتكلم معايا في كدة خايفة على خراب البيت , البيت اللي هوة مخروب أصلا . مش عارفة أعمل ايه هل أطلب الطلاق ولا ده تهور مني وهبقى خربت بيتي أكتر , لو سمحتو قبل الرد ياريت الكل يحط نفسه مكاني .
م . أ
فضفضة
سيدتي الفاضلة للأسف البخل من أمقت الصفات ليس بين البشر فقط بل عند الخالق عز وجل وهو من الصفات التي يصعب على صاحبها التخلص منها , في كل الأحوال أنت في حاجة لترتيب أوراقك من جديد , بمعنى .. قبل أن تقرري الطلاق فكري جيدا أين ستقيمين هل مع والديك أم ستدبرين مسكنا آخر , وإن كنت تعملين هل دخلك سيكفيكي وأولادك بجانب مساعدة والديك أم لا , وإن كنت بلا عمل هل مساعدة والديك ستكفيكي وأولادك على الأقل بشكل مبدئي ؟ .. وبعد ما تدبرين كل هذه الأمور اخبري والدتك وهي بالتأكيد ستساندك في حالة وقوع الطلاق سواء على المستوى النفسي أو المادي وفي رعاية أبنائك . كان الله في عونك والله الموفق .
نيفين حجازي