نائب رئيس حزب الوسط : "عصام سلطان" خلية إرهابية إخوانية نائمة !

تحت عنوان "انخدعت فيك يا عصام " ، و مصدقتش اللي قالي عليه إرهابي من الأول قال حاتم عزام نائب رئيس حزب الوسط : بعد ثورة 25 يناير و بعد تاسيسي لحزب الحضارة ، قلنا لازم نندمج مع أحزاب وسطية قريبة لنا ، فكرنا في اندماج يضم الحضارة و الوسط و العدل و مصر القوية و التيار المصري ،و حذرني بعض الأصدقاء من عصام سلطان في الوسط لانه كان في الاخوان و خرج منها و انه خلية إرهابية نايمة .


وأضاف خلال تدوينة له عبر صفحته بالفيس بوك :" لكن المشكلة ان كل الاحزاب دي اللي لقيتها محترمة و وسطية من وجهة نظري كانت رموزها من الاخوان و خرجت منها، و شكلهم مش إرهابي خالص و أخلاقهم ممتازة ووطنين و مثقفين و علي خلق : د.ابو الفتوح، و م.ابو العلا ماضي ، و ا/ إسلام لطفي ، و د. مصطفي النجار، و ا/ عصام سلطان و كلهم ناس محترمة ، المهم ان حزب العدل تفكك و التيار المصري لم يكتمل بنائه الحزبي و لقينا نفسنا بنتكلم مع الوسط و مصر القوية ، و اخترنا الاندماج مع الوسط في النهاية.

وتابع عزام : مصدقتش ان عصام سلطان إرهابي و كذبت كل اللي قال لي كده، الا أنني اعلن لكم أنني انخدعت فيه ، زيكم بالضبط ، لأنني عرفت انه مؤخراً من الاخبار ،و ثبت لي بالدليل انه إرهابي و بيحرض علي القتل كمان ، و للاسف في مين ؟ في المعتصمين اللي بينزل يقعد معاهم و بعدين يرجع يحرض علي قتلهم.