معاكسة قلبت قلة أدب

مساء الخير أستاذة نيفين أتمنى تكوني بخير ،
عندي مشكلة غلسة جداً ، انا زوجة على فكرة .. من حوالي شهرين لقيت رقم غريب بيرن عندي على الموبايل لما رديت اول مرة لقيت واحد صوته بيقول انه شاب .. لقيته بيسال على حد فرديت قلتله الرقم غلط واتصل بعدها كذا مرة بكذا حجة وهية ان الرقم ده بتاع واحد صاحبه من زمان .. انا في الأول ما اخدتش بالي ولا توقعت ان الموضوع معاكسة ومع مرور الوقت ابتدى يتصل بشكل يومي بس توقفت عن الرد نهائي وحطيت رقمه على البلاك ليست وهوة لما حس بكدة ابتدى يبعت رسائل إعجاب ومعاكسة وقلبت بعدها بقلة أدب رهيبة بصراحة انا خفت أقول لجوزي لأني مش ضامنة رد فعله وخايفة الموضوع ده يعمل بيننا مشاكل بس لما الموضوع زاد قلت ابعتلك يمكن يكون عندك حل .. ياريت تفيديني بفكرة وشكرا جزيلا .
م .. ا

فضفضة
محررة الصفحة .. نيفين حجازي
انا شايفة انك تقولي لجوزك طبعا وبعدها اقترحي عليه يعمل بلاغ او شكوى لمباحث التليفونات وخليكي محتفظة برسائل الشخص ده عشان تبقى دليل إدانة وبعد ما المشكلة تنحل ان شاء الله غيري فورا رقمك .
[email protected]