إرهاق العلاقة الزوجية

السلام عليكم أستاذة نيفين
مشكلتي سريعا اني حاسة بان علاقتي بجوزي بقت مرهقة .. انا نفسي بقيت مرهقة منه ومن كل تفاصيل حياتنا اليومية .. مش قادرة اكتب تفاصيل من كتر زهقي لكن باختصار انا كل ما اناقشه في الديون اللي علينا عشان نفسي نخلص منها ونبدأ نتنفس الاقيه بيطنش او يقفل الموضوع ، كل ما أكلمه في مشاكل أولادنا عشان يشيل معايا شوية برضه يهرب من المسئولية ، حتى علاقتنا الخاصة بقت يا اما تأدية واجب ومش بيكمل على خير يا اما بيهرب منه ، حياتنا بقت مقرفة على مملة على ملهاش لازمة ومش عارفة اعمل ايه زهقت بجد حاسة اني عجزت عشر سنين وهوة كمان ومش عارفة إحنا وصلنا للمرحلة دي أزاي من غير ما الواحد يحس !! ياريت يكون عندك الحل او النصيحة والسادة أصدقاء فضفضة ياريت يفيدوني بحاجة علشان بجد العيشة بقت رهيبة وشكرا للجميع .
ش . ا
فضفضة
محررة الصفحة .. نيفين حجازي
صديقتي .. ان الأصل في المشكلة هي حالة الانفصال النفسي الذي تمكن منك وزوجك للأسف .. ونصيحتي ان تضعي نقطة ومن اول السطر بمعنى .. احصري كل مشكلاتك وضعيها بشكل مؤقت جانبا لحين النظر فيها بطريقة مختلفة عن المعتاد .. ثانيا .. قرري من داخلك ان تعيدي صياغة حياتك مع زوجك حتى وان عدتي بها كما بدأت في بداية زواجكما .. ذكري نفسك بكل الايام الجميلة الناجحة معه وحمسي مشاعرك تجاهه و لا تنسي ان هذا الرجل هو من اخترتيه وقبلتيه ثم اصبح أبا لاولادك .. جاهدي نفسك في اعادة الامور لطبيعتها فمشكلتك بدات بتهاونك في الاحتفاظ بمساحة ثابتة في يومكما للمشاعر وابداء الاعجاب والامتنان والرعاية بينما المطالبة بتسديد الديون والمشاركة في حل مشاكل الاولاد موضوعات كئيبة بطبيعتها والموضوعات الكئيبة لها اوقاتا مناسبة للحديث عنها فلماذا حولتي الحياة كلها الى متطلبات و حسابات بالورقة والقلم ؟!.. انتي نفسك بحاجة الى هدنة من التفكير في كراكيب الحياة اليومية .. وللعلم .. جزء كبير من شعورك بالإرهاق النفسي هو الطريقة التي تديرين بها مشكلاتك او اعبائك فمثل هذه الأشياء تحتاج الى هدوء واحيانا ( برود) عفوا في التشبيه لكنها الحقيقة .. عموما .. حاولي البدء في نصيحتي ربما تتحسن الظروف وتعود علاقتك بزوجك كما كانت ان شاء الله .