رامي صبري لجمهوره: أنا مبحبش قلة الأدب ومُقدر زعلكم .. والألبوم فى مرحلة الطباعة

فى رسالة طمئنه للجميع على ألبومه الجديد ، وجه المطرب رامي صبري عبر صفحته الشخصية على موقع التواصل الاجتماعي "الفيس بوك" رسالة لجمهوره فى الوطن العربي .

حيث كتب قائلا :" دي رساله مني لجمهوري المحترم في كل أنحاء العالم .. انا مقدر زعلكم اوي وعشان كده انا عملت حاجات كتير اوي انتو متعرفوهاش بس عشان اكون موجود معاكو كل سنه بالبوم انشالله ، وكل يوم تقريبا بدخل اقرا تعليقاتكم علي الصفحة الرسمية بتاعتي وعارف اني اتاخرت عليكو كتير اوي وانا معاكو في ده ".

وعلى الرغم من رسالة الطمأنة على ألبومه إلا ان رامي صبري أعرب عن استياءه من جمهوره الذى يهاجمه لتاخر طرح ألبومه ، وكتب لهم قائلا :" بس كمان بيدايقني تعليقات ناس معينين فالتعليقات بتتكلم بأسلوب مش حلو خالص الحقيقه ، في فرق بين انك تكون مدايق وفي فرق بين قلت الادب وانا مبحبش قلت الادب ولا يشرفني ابداً اني يكون من جمهوري حد بيتكلم كده . يا ريت نعرف ازاي الناس تحترم بعض نتعلم من الناس اللي بره ازاي بيتعملو مع بعض . ربنا يهدي انا بحبكو بجد وحتي الناس اللي زعلانه بحبكو برده اكيد " .

واختتم رسالته قائلا :"ان شاء الله الالبوم في الطباعه وأول ما هيخلص هينزل علي طول ويا رب يعجبكو اخوكم .. رامي صبري" .

يذكر أن رامي صبري قرر بالاتفاق مع شركة "مزيكا" طرح الألبوم الجديد "وأنا معاه" يوم 6 من الشهر الجاري .