الدعوة مفتوحة .. حفل طلاق اكرم

السلام الجميل على كل اللي موجوووودين
مساء الخير أستاذة نيفين يارب تكوني بخير ،
انا باعت انهاردة مخصوص علشان الكل يحتفل معايا .. انا انهاردة عامل حفلة طلاقي أخيرا بعد سنين طويلة في العذاب مع انسانة مش عايز أجيب سيرتها بحاجة وحشة لكن كفاية ان أقول ان بعد معاناة طويلة اخدت من عمري وصحتي كتير وبعد ما خسرت بسببها معظم ما امتلكه لكن في داهية ده راحة البال يندفع فيها فلوووووس كتيبيير جداً والرجالة اكتر ناس أكيد حاسين برسالتي دي .. مش هطول عليكم انا محتاج تهاني كل الناس والله يخليكم اللي عنده كلمة غير انه يقول لي مبروك أو أي تهنئة من نوع تاني يقولها برضه بس بعدين والنبي .. انهاردة للانبساط وبس وبعد ما اخلص يوم احتفالي هفتح فضفضة وأشوف كل التعليقات بتاعة الأصدقاء ومتشكر مقدما لأي حد هيشاركني الفرحة وربنا يسعد الجميع بس أكيد مش بالطريقة دي انا ما اتمناش لحد اللي انا فيه وينزل السعادة في وسط بيته وعياله لكن هيقول ايه !!! الأقدار وما تشاء.. السلام عليكم جميعا .. أخوكم اكرم .
Fadfada@elfagr.org