حواجبي راحت في داهية

مساء الخير أستاذة نيفين .. سؤال والنبي ع السريع كنت لاحظت من مدة سقوط واضح في الحاجبين في أجزاء وأجزاء يعني بشكل دوائر صغيرة فاضية ورحت لدكتور قاللي دي ثعلبة واداني دوا امشي عليه بس انا مش مصدقة هية الثعلبة بتيجي في الحواجب يادي المصيبة ؟! طيب وبعدين همشي أزاي كدة ؟؟
ر . ا

فضفضة
محررة الصفحة .. نيفين حجازي
فعلا .. الثعلبة تصيب حتى رموش العين أحيانا وغالبا ما يكون السبب ضغط نفسي وتوتر دام فترة طويلة .. لا تهملي في العلاج فالأمر سهل ويعالج وخففي عن نفسك قدر المستطاع من الضغوط المحيطة بك لعل الشفاء قريبا ان شاء الله وبالنسبة لخروجك من المنزل وشكل الحاجبين يمكنك مؤقتا استخدام قلم الحاجب لتظليل الأماكن الفارغة لحين الشفاء .. كان الله في عونك .
Fadfada@elfagr.org