قسم خاص للترفيه

السلام عليكم ورحمة الله
تحياتي للجميع ،
انا المرة دي باعت رسالتي ولية طلب أتمنى انه يحوذ قبول الأستاذة نيفين والموقع .. انا بقترح لو ينفع تعملوا قسم خاص للترفيه بعيد عن الأفكار الموجودة يخفف شوية علينا المهزلة الاجتماعية اللي كل مصر عايشاها بقلقها وخوفها وقرفها ونروح لمنطقة نحس من خلالها بشوية أمل .. بصراحة هوة لغاية دلوقتي معنديش فكرة اقدمها بس لو السادة القراء حد عنده فكرة نفسه فيها بعد إذن الأستاذة يتفضل ويقترح معايا يمكن تكون طريقة نخفف بيها عن نفسنا بدل ما إحنا طول اليوم غرقانين في الاخبار المحزنة وممكن كمان نفكر في حاجة نشارك فيها بابتكاراتنا والناس تستفيد بيها . مش عارف هل طلبي ده متاح ولا صعب وآسف إذا كنت بتعدى حدودي يا أستاذة لكن إحساسي اني انا وباقي القراء بقينا عيلة واحدة حتى واحنا ما نعرفش بعض ده خلاني أحس بالفة وود .. شكرًا للجميع .
محسن

فضفضة
محررة الصفحة .. نيفين حجازي
أستاذ محسن أسعدتني برسالتك .. انا شخصيا معنديش أي مانع وياريت فعلا لو حضرتك وباقي القراء يشاركونا بعرض أفكارهم .. شاكرة لك سيدي الفاضل
Fadfada@elfagr.org