السلام عليكم ورحمة الله كيف حالك استاذتنا نيفين ؟ مشكلتي في سطور قصيرة اني أم لبنت وحيدة وهية في سن الجامعة والحقيقة من لحظة وفاة والدها وأنا عايشة لرعايتها لكن من حوالي سنة وشوية ظهر في حياتنا احد أقاربي لابوية هوة كان مهاجر برة مصر ورجع قبل الثورة بشهور قليلة وهو غير متزوج .. قبل ما ادخل في التفاصيل احب أقول ان اعتمادي الأول على دخلي هو معاش جوزي البسيط بخلاف مكسبي من الأشغال اليدوية التي أقوم ببيعها للجيران والأصدقاء زي المفارش وغطاء السرير وبعض أنواع المأكولات لكن طبعا الدخل مش مكفي .. المهم ارجع تاني لموضوع الرجل اللي ظهر في حياتي هوة من الأول موجود لكنه بدا يلمح لي بالجواز لكني مش موضحة له أي رد وبصراحة انا حاسة بقبول للفكرة لكن محرجة من بنتي وفي نفس الوقت انا محتاجة راجل يشاركني مسئولية الحياة وهوة ميسور الحال وراجل مهذب لكن يفضل موقفي من بنتي محرج وخايفة لو لمحت ليها تحس بكراهية للراجل ده أو تشوفني بطريقة مش كويسة .. هوة بيزورنا من وقت للتاني وبنتي بتقابله بطريقة كويسة لكن دة مش كفاية علشان اعرف إحساسها الحقيقي تجاه موضوع زي كدة .. ياريت تفودوني باقتراحاتكم وآرائهم يمكن ينصلح الحال أكون شاكرة للجميع . مدام - س [email protected]