علاقتي بالحريم

السلام عليكم

ف البداية حابب اقدم شكري واعجابي لحضرتك ع الركن بتاعك انا متابعه من فتره
ودي اول مره ابعت لحضرتك

الموضوع اللي شاغلني ومحتاج رأي حضرتك
انا كنت خاطب وانا في الجامعه حب وعشق لدرجة ان الكليه كلها كانت بتقول روميو وجولييت ، ولكن حصل مشاكل وفسخت خطوبتي دي
يعني سنتين حب وسنه خطوبه وكان فاضل 6 شهور على عقد القران
حبيتها واتمنيتها ولكن كان في بعض الحاجات اللي بين اتنين مخطوبين وبيحبو بعض ومش شايفين الدنيا ( حاجات محظوره أكيد )
بعد الموضوع ده قطعت علاقتي بالبنات نهائي بمعني ان اي فرصه ولو صغيره ان يدخل حياتي بنت كنت بقفلها من بدري لأن مكنش عندي الاستعداد النفسي لكده مع ان كان في فرص كتير واي شاب كان يتمناها سواء في مصر او وانا بره مصر

انا دلوقتي نويت ارتبط ، وبعد اكتر من حوالي 18 او 20 عروسه الوالده والعيله وكدا عرضوهم عليا ربنا وفقني ولقيت اللي ممكن اقول هي دي
زواج صالونات اه بس انا ناوي وبمشيئة الله اخليه فيه حب واسعدها وتسعدني

اللي عايز اعرفه من حضرتك ومن الشباب .. هو :
ازاي احافظ على البنت دي من غير ما اروح للأساليب الوحشه اللي كنت بعملها مع خطيبتي او حبيبتي اللي من 4 سنين
عايز ربنا يبارك فيها ويبارك في زواجنا ده

وكمان حاجه وهي :
انا تقريباً علاقتي بالحريم انتهت من زمان ، لدرجة اني مبعرفش اكلمها ف ياي حاجه
المكالمه بتقعد بالساعه والاتنين دولي و فيهم تلت ساعه كلام بس

خايف اكون من جوايا مش متقبلها ، مع ان بالعكس حاببها وعايزها

محتار

ارجو رد حضرتك ، وياريت تنشري يمكن يكون في ررد من محبينك

أحمد

فضفضة
محررة الصفحة .. نيفين حجازي
أولا : التصرفات التي قمت بها انت وخطيبتك السابقة والتي وصفتها بحاجات محظورة ليست هي السبب في إستكمال علاقتك بخطيبتك وليس من المفترض ان تكون التجاوزات هي العامل المساعد لإستكمال اي علاقة .. إذن تقييمك لهذه النقطة تحديدا كان خطأ , وهذا ما يؤكد لك ان مجرد تفكيرك في تكرار نفس السلوك للحفاظ على خطوبتك الجديدة هو تفكير خطأ أيضا وان الرغبة في الحفاظ على اي علاقة تعتمد على حسن السلوك والطباع والتفاهم وغيرها من الأساسيات التي نعلمها جميعا , أما عن شكوتك الثانية فليس لها اي علاقة بكونك قطعت علاقتك بالنساء عموما أو لا .. بل لها علاقة بأنك مازلت تحت تأثيرمشاعر متعلقة بفترة وجودك مع الخطيبة الأولى ولو بقدر بسيط وربما يرجع عدم تجاوبك مع الخطيبة الجديدة الى انك لم تتخلص بعد من كل آثار الذكريات .. ونصيحتي ان تكمل حياتك عادي وتحب العيش مع من وجدت فيها الزوجة الصالحة والزمن والعشرة الطيبة كفيلة ان تجعلك زوجا رائعا وما تمر به أمرا عاديا فأنت إنسان لك مشاعر وليس من السهل أن يخضع الإنسان للتغيير أو التغير بأزرار بل بالتصالح مع النفس ومعايشة الواقع .. اتمنى لك كل السعادة وأنصحك بترك كل الهواجس جانبا وابدأ انت بفتح حوارات جديدة ومختلفة مع خطيبتك وأحكي عما تحب وعما تحلم به وعن تصورك لشكل حياتكما المقبلة وانك متفائل بهذه الزيجة .. كل هذا سيساعدك على كسر الحاجز الرسمي بينكما .. وأخيرا اتمنى لك زواج سعيد بعيدا عن الحرام أو المحظورات كما كتبت في البداية .. تحياتي