ميادين مصر تستعيد ذكريات الثورة و تهتف "صفيت دمنا ارحل عننا"

رصدت بوابة الفجر الإليكترونية أبرز الهتافات التى يرددها المشاركون فى تظاهرات اليوم، بعدة أماكن متفرقة على مستوى محافظات الجمهورية، وفى أهم الميادين الكبرى، وأماكن تمركز التظاهرات.

وجاء أبرز الهتافات:
"ارحل"
"يا حرية فينك فينك ....حكم المرشد بينا وبينك"
"اة يا حكومة هز الوسط ....اكلتونا العيش بالقسط"
"يسقط يسقط مرسى مبارك"
" يسقط يسقط حكم المرشد"
"يا وديع قول لبديع الشعب المصري مش للبيع"
"ارفع راسك فوق انت مصري رئيسك رد سجون اسمه مرسي"
"واحد أتنين الشعب المصرى فين"
"ثورة ثورة يا شباب على الحاكم الكداب"
"شعب مصر ثور ثور على الحاكم الدكتاتور"
"لا طائفية ولا حزبية كلنا وحدة وطنية"
"مش هنسيبك مش هنسيبك ولا هنسيب بديع حبيبك"
"ثورتنا ثورة شعبية ضد مرسى والحرامية"
"حسبنا الله ونعم الوكيل ليس عن الرحيل بديل"
"يا مرسى قاعد ليه انت جبلة ولا ايه"
"يا مرسى يا خسيس دم المصرى مش رخيص"
"الشعب فاق الشعب فاق كله عزيمة مفيش نفاق"
"بنقولهالك بالملايين ارحل ارحل مش خايفين"
"العيشة بقت مرة عاوزين حكومة حرة"
"مش عوزينك مش عاوزينك دم الشهداء بينا وبينك"
"صفيت دمنا ارحل عننا"
"ارحل يعنى GO يا عالم فهموه"
"ارحل بقة يا عم خلى عندك دم"
"يا حرية فينك فينك "
"قوم يا محمد قول لبولس بكره بلنا تحرر تونس"
جدير بالذكر أن اليوم هو الذكرى الثانية لمرور عامين على ثورة 25 يناير المجيدة التى أسقطت نظام الرئيس السابق محمد حسنى مبارك عام 2011 ، واليوم أيضا هو يوم الاحتجاجات العارمة التى تطالب بإسقاط نظام الرئيس الحالى محمد مرسى، مرشح جماعة الإخوان المنتخب.